Walijímaka Timoteo iꞌimaká, Pablo amaka wakajé riꞌimaká. Eunice, Timoteo jaló ií iꞌimaká, judíona jaꞌaló ruꞌumaká. Loida, riruta ií iꞌimaká. Jesucristo jaꞌapiyá jemaꞌajeño neꞌemaká. Neká iꞌimaño Timotéojlo riyukuna iꞌimaká, raú remaꞌá kaja raꞌapiyá. Palá remaꞌajika raꞌapiyá; palá kaja rilaꞌajika rewá. Ilé kaje aú, palá Jesucristo jaꞌapiyá jemaꞌajeño pechu iꞌimajika rinaku.

Riwakajé Pablo iꞌijnakeri apú ewá, apú ewá ke, Jesucristo yukuna iꞌimakana nakú. Kaja ewaja riphá Timoteo iꞌimaká ejé. Palá ripechu iꞌimaká rinaku, raú ripuraꞌó rijwaꞌaté riꞌijnakáloje rijwaꞌaté penaje. Raú riꞌijnaké rijwaꞌaté apú ewá, apú ewá ke Jesucristo yukuna iꞌimakana nakú. Kaja ewaja nephá pajimila Éfeso ejo, re Pablo jaꞌapáñaari riká. Rimá rijló: “Maare piyuró pewíñaꞌatakaloje neká, naweꞌepíkaloje richaje Tupana purákaꞌalo nakojé”.

Reyá Pablo jaꞌapari piño apú pajimila ejo, reyá iꞌimajemi riwakáraꞌa Timotéojlo marí purákaꞌaloji iꞌimaká: