Jesucristo iꞌiwapakárena rijwaꞌatéjenawa penaje nakiyana riꞌimaká.

Pablo iꞌijnari Jesucristo yukuna iꞌimajé pajimila Corinto e iꞌimakáñojlo. Rewá neꞌiyajena jemaꞌañó Jesucristo jaꞌapiyá ripalamane aú. Ñakele nawakákono ajopana raꞌapiyá jemaꞌajeño waꞌaté pajñakani. Kaja ewaja neꞌemá unká paala pajwaꞌatéchaka rewá, Jiñá Chiꞌinárikana kaꞌátakale neꞌiyajena eꞌiyajé, nalaꞌakáloje napechu keja penaje. Neꞌiyajena laꞌakeño nanakuwá weꞌepiño ke wani, nawátake ajopana cháꞌatakana napechu aú. Unká paala neꞌiyajena laꞌajika nanakiyana nakú, raú Pablo wakáraꞌari najló purákaꞌaloji, raú rilaꞌakáloje nenakú. Rimá najló, nawátakaloje íkiꞌija pekowáaka, íkiꞌija pekowáaka wátakana cháꞌatakalejla piyuke nakaje iná laꞌakare. Ilé kaje penaje riwakáraꞌa najló marí purákaꞌaloji iꞌimaká.