2 Abraham iꞌimari Isaac jaraꞌapá,

eyá Isaac iꞌimari Jacob jaraꞌapá.

Jacob iꞌimari Judá jaraꞌapá,

eyá re kaja ajopana rejena iꞌimaño.

3 Eyá Judá iꞌimari Fares,

Zérah,

kele jaraꞌapá.

Naló ií iꞌimari Tamar.

Fares iꞌimari Hesrón jaraꞌapá,

eyá Hesrón iꞌimari Aram jaraꞌapá.

4 Aram iꞌimari Aminadab jaraꞌapá,

eyá Aminadab iꞌimari Nahasón jaraꞌapá.

Nahasón iꞌimari Salmón jaraꞌapá.

5 Eyá Salmón iꞌimari Booz jaraꞌapá.

Booz jaló iꞌimayo Rahab.

Eyá Booz iꞌimari Obed jaraꞌapá.

Rut iꞌimayo raló.

Eyá Obed iꞌimari Jesé jaraꞌapá.

6 Eyá Jesé iꞌimari neꞌemakana David jaraꞌapá.

Urías yajalo waꞌaté riwáꞌako iꞌimaká.

Rujwaꞌaté riꞌirí Salomón iꞌimaká.

7 Salomón iꞌimari Roboam jaraꞌapá.

Eyá Roboam iꞌimari Abías jaraꞌapá.

Abías iꞌimari Asá jaraꞌapá.

8 Eyá Asá iꞌimari Josafat jaraꞌapá.

Eyá Josafat iꞌimari Joram jaraꞌapá.

Eyá Joram iꞌimari Ozías jaraꞌapá.

9 Ozías iꞌimari Jotam jaraꞌapá.

Jotam iꞌimari Acaz jaraꞌapá.

Eyá Acaz iꞌimari Ezequías jaraꞌapá.

10 Ezequías iꞌimari Manasés jaraꞌapá.

Eyá Manasés iꞌimari Amón jaraꞌapá.

Eyá Amón iꞌimari Josías jaraꞌapá.

11 Josías iꞌimari Jeconías jaraꞌapá,

eyá ajopana rijmerénami chuna jaraꞌapá kaja riꞌimaká.

Riwakajé nawaꞌa Israel lakénami nateꞌeré nakiyá Babilonia teꞌeré ejo,

nacháꞌatakale neꞌemaká nókakajo aú.

Raú nawaꞌa neꞌemaká rejo,

najápakaloje najló mapeja.

Re Josías yaní mothoꞌoñó iꞌimaká.

12 Napaꞌakó nateꞌeré ejo ee,

mariruna mothoꞌoñó piño iꞌimaká:

Jeconías iꞌimari Salatiel jaraꞌapá.

Eyá Salatiel iꞌimari Zarobabel jaraꞌapá.

13 Zorobabel iꞌimari Abihud jaraꞌapá.

Eyá Abihud iꞌimari Eliaquim jaraꞌapá.

Eyá Eliaquim iꞌimari Azor jaraꞌapá.

14 Azor iꞌimari Sadoc jaraꞌapá.

Eyá Sadoc iꞌimari Aquim jaraꞌapá.

Eyá Aquim iꞌimari Eliud jaraꞌapá.

15 Eyá Eliud iꞌimari Eleazar jaraꞌapá.

Eleazar iꞌimari Matán jaraꞌapá.

Eyá Matán iꞌimari Jacob jaraꞌapá.

16 Eyá Jacob iꞌimari José jaraꞌapá.

Riká José wáꞌakaro María waꞌaté iꞌimaká.

Jesús jaló ruꞌumaká.

Inaꞌuké iꞌimatájeri penaje riꞌimaká.

17 Abraham michú lakénami yuriño rapumí chojé,

aꞌajná David iꞌimaká ejená.

Paꞌu kele iphata jiꞌimaji nakojé kele (14) naꞌajútaya michuna wani iꞌimaká.

David michú apumí chojena iꞌimaño kaja paꞌu kele iphata jiꞌimaji nakojé kele (14),

nawaꞌa neꞌemaká Babilonia teꞌeré nakojé.

Rejomi neꞌemá piño paꞌu kele iphata jiꞌimaji nakojé kele (14) Jesucristo mothoꞌoká ejená.

18 Marí ke Jesucristo mothoꞌoká iꞌimaká:

José puraꞌaró paineko María,

Jesús jaló penájeru iꞌimajíkayo waꞌaté,

nawáꞌakakoloje pajwaꞌatéchaka penaje.

Eꞌiyonaja unká chiyó neꞌemá pajwaꞌatéchaka,

rumanoꞌó,

Tupana Pechu makápoꞌokale Riꞌirí rowó chojé.

Raú ruyuró kanupá.

19 Palájneꞌeke ruyajná penaje José iꞌimaká,

raú unká riwátala ajopana inaꞌukena weꞌepika rumanoꞌoká,

nalaꞌaká piyá ruká chapú rijimaje.

Raú rimichoꞌojnoja riwátaka ruyuríkana,

kanupá ruꞌumakale;

unká riwátala runaku apáñaꞌatakana.

20 Ilé ke riꞌijnataka ripéchuwa runaku,

e lapí ritapú pajluwaja Tupana waꞌatéjeri,

jeꞌechú chiyaje,

yaꞌataró rijló.

Riká kemari rijló:

—José,

David michú lakemi,

pipechu iꞌimaniña ujwí María waꞌaté wáꞌakakano nakú.

Re ruꞌurí iꞌimajé,

Tupana Pechu makápoꞌokale riká rowó chojé.

21 Rimothoꞌojika wakajé,

paꞌajé rií Jesús,

ke.

Ilé ke rií iꞌimajika,

riꞌimatájikale rileꞌejena inaꞌukena kapichákajo liyá.

Ripalamane unká Tupana wajálaje raꞌapiyá jemaꞌajeño,

puꞌuwaré nalaꞌakare pachá.

22 Kaja ewaja riphá rená,

Tupana kemakare nakú júpimi ke ripurákaꞌalo jaꞌapátajeri michujlo iꞌimaká chojé.

Rimá rijló iꞌimaká:

24 Rejéchami José apoka,

e kaja rilaꞌá Tupana waꞌatéjeri,

jeꞌechú chiyaje,

kemaká rijló ke.

Riwáꞌako María waꞌaté.

25 Kanupá ruꞌumaká ketana,

mapeja riꞌimajika rowaꞌá,

unká meke rilaꞌaké ruká.

Kaja waja ruwaꞌa ruꞌurí,

paineko ruꞌurí iꞌimakare riꞌimaká.

E José aꞌá rií Jesús,

ke.

Rimothoꞌoká ejomi,

raló,

José waꞌaté,

iꞌimaño pajwaꞌatéchaka kalúyuna ke.