Tupana waꞌaté jápajeri amájika chapú kaje yajwé yukuna marí
52
13 Nakaje nujwaꞌaté jápajeri laꞌajíkare jáchoꞌojo palá rijló,raú nuyureje riꞌimaká ajopana chaje wani.
14 Kajrú inaꞌukena wo kaꞌajiko rijwaꞌaté,
namájikale riká apoꞌojó wani, nalaꞌajika riká chapú wani ejomi.
Rejéchami unká ramálajo inaꞌuké ke,
kajrú wani nañaꞌatájikale riká.
15 Piyuke ajopana teꞌeré, ajopana teꞌeré eyájena ke,
pechu iꞌimajika rinaku:
“Meke piyuke wani laꞌajerí riká”, ke.
Neꞌemakánana amájika ee riká,
unká naweꞌepílaje meke rinaku kemakana,
namájikale rilaꞌaká nakaje, unká wani namálare kaje iꞌimaká.
Naweꞌepeje kaja nakaje, unká naweꞌepílare kaje iꞌimaká, nakojé.