Júpimi nateꞌeré nakú newíñaꞌatake neká purákaꞌaloji aú, nemakare nakú “proverbios”, ke. Rimá nakaje nakú wejápaja purákaꞌaloji aú, iná weꞌepíkaloje rinakojé kiñaja raú penaje. Kajrú inaꞌukena pechu iꞌimaká napurákaꞌalo nakú: “Kapechúruna leꞌejé riká”, ke. Proverbios eꞌiyá rimá: Tupana jaꞌapiyá jemaꞌakana aú, iná keñoꞌó nakaje nakojé weꞌepíkana, iná iꞌimakáloje kapechuni raú penaje. Unkachu iná jemaꞌalá Tupana jaꞌapiyá, mapechuru ke iná yuriko, iná pechu keja laꞌakana aú. Neꞌemakana Salomón iꞌimari kapechuni wani; júpija riꞌimaká marí ejaꞌawá chu. Riká jewíñaꞌatari riꞌimaká mékeka inaꞌuké laꞌaká nakaje. Raú riweꞌepí mékeka nakaje jáchoꞌoko inaꞌuké ijnurúnajlo; riweꞌepí kaja mékeka nakaje jáchoꞌoko palá iꞌijnatákaño napéchuwajlo. Iná iꞌimaká piyá mapechuru ke, riyurí marí purákaꞌaloji iná jenakú laꞌajona penaje.