Kiñaja paꞌaká nuñathé, Tupana
70
Tupana, páchoꞌota nuká chapú kaje yajwé nomákare chiyá.Tupana, nuwakáraꞌajeri, piꞌijná majó kiñaja, paꞌachá nuñathé.
2 Nuwata wátaño nonókana yuriko mapechúruna ke.
Nuwata chapú nulaꞌajeño ñaakó nowaꞌayá, napáñaꞌajiko akuwaná.
3 Nuwata kaja nunaku iꞌichajeño ñaakó nowaꞌayá, paí kaje waꞌaté.
4 Eyá wátaño piká neꞌematájeri penaje, pechu iꞌimajeri puꞌují.
Nemaje kaja pinaku:
“Tupana weꞌepiri piyukeja wani nakaje laꞌakana”, ke.
5 Eyá nuká, kamuꞌují laꞌajeri,
chapú kaje yajwé amájeri kaja nuká.
Tupana, nupechu iꞌimakare chojé kaphí,
piꞌijná majó kiñaja nuñathé aꞌajé.
Pikaja kalé nuñathé aꞌajeri.
Chapú kaje yajwé nomákare liyá iꞌimatájeri kaja piká.
Tupana, pimaláraꞌataniña pikó,
¡paꞌá nuñathé kiñaja!