Nomájeri wani Tupana
23
Nomájeri wani Tupana,ñakele unká na iꞌimalá nojló kapuini.
2 Riwaꞌa nuká palá aꞌajnejí iꞌimakare ejo,
re nuwatánaꞌakaloje palá penaje.
Riwaꞌa kaja nuká palani juni mayokólaru iꞌimaká ejo.
3 Nupechu laꞌakochu ujwí, ripalaꞌatá nojló nupechu.
Riwaꞌa kaja nuká puꞌukuni iñeꞌepú chuwá,
nulaꞌakáloje nakaje, palá inaꞌuké pechu iꞌimakáloje rinaku raú.
4 Apú eyá ke noꞌopákano kajruni ipuré jiwami,
kajrupi iꞌimakare chuwá kalajerúwaka.
Eꞌiyonaja unká nukeroꞌoló rewá jaꞌapákana aú,
nuweꞌepíkale nujwaꞌaté piká, Tupana.
Pipurákaꞌalo kemaká ke laꞌakana laꞌarí nupechu kaphí.
5 Palá nojé aꞌajnejí pilamáꞌataje nupé,
nojñákaloje riká chapú nunaku péchuruna jimaje.
Pakhoꞌó kaja puꞌumé amarí nuwilá eꞌiyajé;
pimanoꞌotaje kaja nukuyané iꞌirakaje aú,
aꞌajná rijlámaꞌatajiko ejená.
6 Inaꞌuké wani piká nujwaꞌaté.
Íkiꞌija wani piwátaka nuká.
Ñakeja piꞌimajika nujwaꞌaté weꞌechú kaꞌalá keja,
nuꞌumajika ketana.
Tupana, piñakaré chu nuꞌumajé matajnako pijwaꞌaté.