Marí ke pajluwaja puraꞌakó Tupana waꞌaté, chapú kaje yajwé ramaka wakajé
6
Tupana, pakhaꞌaniña nuká,piwajániña kaja nuká piyúchaꞌajiko akuwaná.
2-3 Tupana, piweꞌepí numuꞌují,
kaja unká nuliyá iꞌimalá.
Pipaꞌatá nojló nutejmú,
kaja piyukeja nunapona kurúkaka nojló nukeroꞌokó akuwaná.
Eta piká, Tupana, ¿Mékechami chi paꞌajika nuñathé?
4 Tupana, piꞌimatá nuká kapichákajo liyá,
íkiꞌija piwátakale nuká.
5 Unká méñoꞌojo kaja takaꞌaká penájemi weꞌepílajla piká.
¿Na chi puraꞌarojla palá pinaku liri chiyá iꞌimajemi?
6 Kaja noyaꞌó iyakaje nakú;
lapí kaꞌalá keja iyakaje nakuja nuká;
kaja nojata notá nujlú jalá aú.
7 Chapú kaje yajwé nomákare pachá ijama keja nomaka piyukeja nakaje.
Ilé ke wani nojló nakaje, chapú nunaku péchuruna pachá.
8 Puꞌuwaré laꞌajéñojlo numá:
Iꞌijná nuliyá chuwa, aꞌajná ñoꞌojó,
kaja Tupana jemaꞌakale nuyaka mejé.
9 Kaja Tupana jemaꞌá noꞌopiyá nakaje mawó nukejáꞌakare riliyá iꞌimaká.
Kaja remaꞌá nupurákaꞌalo noꞌopiyá.
10 Kajrú wani chapú nunaku péchuruna keroꞌojiko,
kaja mapechúruna ke nayuríjiko.
Rejéchami kiñaja neñáajiko nuꞌumajika eyá,
napáñaꞌajiko akuwaná.