N‑xaʼni Herodes Santiago, te n‑chindiʼu‑s Spedru vekaa
12
Tiempu ijan,
n‑kixeʼe se taxnuni nani Herodes xa kida uʼu‑s dava ñayiu ka kukanu ini Jesucristu.
2 N‑taʼu tniu‑s xa n‑ka xaʼni soldado‑s Jacobo,
ñani Sua xiʼin espada.
3-4 Nu n‑xini‑s xa n‑ka tna ini ñayiu Israel xaʼa,
n‑taʼu tniu‑s xa n‑ka tnɨɨ soldado‑s Spedru,
te n‑ka chindiʼu ñaʼa‑s vekaa.
(Xaʼa n‑yaʼa kɨu kuu viko Paxcua,
kɨu ka xaxi ñayiu tila ña n‑kɨu levadura.)
Ijan n‑ka xe kondee ñaʼa koon soldado ntnaʼa iñu hora.
N‑ñu ini Herodes xa kadandaa‑s kuechi Spedru nuu ka nataka ñayiu ñuu Jerusalén na xinokava viko Paxcua jan.
5 Nɨni yɨndiʼu‑s,
ka xijan taʼu xa ka xijan taʼu ñayiu ka kukanu ini Jesucristu nuu Ianyuux xa na kee‑s.
N‑kida ángel xa n‑xino Spedru vekaa
6 Ɨɨn nga xakuaa kɨndiʼu‑s,
te kɨu kuu uu kadandaa Herodes kuechi‑s n‑kuu.
Xakuaa ijan kidi‑s meʼñu uu soldado,
te xndijun ndetnaʼa‑s xiʼin‑s cadena.
Xyuku ka dava soldado yekaa xa xndee‑s vekaa.
7 Danaa n‑xee ɨɨn ángel,
ia xinokuechi nuu Ianyuux,
te ndii nituʼu xiti vekaa.
N‑katu ángel yɨkɨ naʼa Spedru xa n‑dandoto ñaʼa‑ia te n‑jaʼan‑ia nuu‑s:
—Yachi ndokoo.
—Juan ndɨu nuu daʼma‑n.
Juan ndɨu ndixa‑n.
Te daa n‑kida Spedru.
Xiaʼan ntuku ángel:
—Nukondixi capa‑n te kandijun ñaʼa.
9 Ndijun Spedru ángel n‑kee.
Ña n‑kutnuni ini‑s nuu xa xandaa xakuiti n‑kee‑s xiʼin ángel vekaa a ñaʼa.
N‑xani ini‑s xa n‑tutuku‑s.
10 N‑yaʼa‑s xiʼin ángel nuu xyuku ɨɨn montón soldado,
ijan dada n‑yaʼa ka‑s xiʼin‑ia nuu xyuku ɨnka montón‑s.
Te n‑xee‑s xiʼin‑ia yekaa ndeʼa do ichi juaʼan xiti ñuu.
Najaan mee yeʼe yaʼa.
N‑xika‑s xiʼin‑ia,
te ndeka ñaʼa‑ia juaʼan ɨɨn ichi xiti ñuu,
te n‑dandoo ñaʼa ángel.
11 Ijan dada n‑kutnuni ini‑s xa ndaa n‑kee‑s vekaa,
te n‑jaʼan mee n‑jaʼan ɨɨn‑s:
“Vitna n‑xini‑ro xa xandaa xakuiti n‑tundaʼa Ianyuux ángel‑ia xa dakaku ñaʼa‑ia nuu Herodes xiʼin nuu ntdaa xa n‑juini se Judea xa kada ñaʼa‑s.”
12 Nu n‑tuu ini‑s xa n‑kee‑s vekaa,
n‑xeʼen‑s veʼe María,
dɨʼɨ Sua.
Dɨuni nani‑s Smarku.
Kueʼe ñayiu n‑ka nataka xa ka xijan taʼu‑i ijan.
13 N‑dakande Spedru yeʼe ndiʼu nuu kɨu‑ro nukeʼe,
te n‑xe koto ɨɨn dichi xinokuechi nani Rode nuu jundu dakande.
14 N‑najini‑i tnuʼu Spedru,
te ña najaan‑i yeʼe chi vichi n‑kuvete‑i.
N‑kendava‑i.
Juan ndɨu‑i xiti veʼe.
N‑xian tnuʼu‑i ñayiu xyuku xiti veʼe xa Spedru nujuiin yeʼe.
15 Ka xiaʼan ñayiu jan nuu‑i:
—Lilu‑n.
Ko xiaʼan naʼi‑i xa dɨu te dɨu Spedru.
Ka xiaʼan ntuku ñayiu jan:
—Axa ñadu mee‑s,
axa ángel‑sɨ xu.
16 Dani dakande Spedru yeʼe.
Nu n‑ka najaan ñayiu yeʼe jan n‑ka xini‑i Spedru,
te n‑ka yuʼu anu‑i.
17 Te n‑ndoneʼe ndaʼa Spedru xa maxku jaʼan koio ka‑i,
te n‑najani‑s nuu‑i janda n‑kuu xa n‑kineʼe ñaʼa Ianyuux vekaa.
Dɨuni xiaʼan‑s:
—Juña tnuʼu koio‑n xaʼa Jacob xiʼin dava ka ñayiu ka kukanu ini Jesucristu.
Ijan dada n‑kee‑s;
juaʼan‑s ɨnka lado.
18 Nu n‑tuu,
ña n‑ka kutnuni ini soldado nax n‑kuu xa ñayo ka Spedru yɨndiʼu,
te kueʼe xa n‑ka xani ini‑s.
19 N‑teku Herodes xijan,
te n‑taʼu tniu‑s xa na jɨn nunduku ñaʼa koio soldado‑s,
ko ñayo‑s n‑naniʼi ñaʼa.
N‑kana Herodes soldado‑s vetniu xaxeʼe xa n‑xino Spedru,
te n‑xijan tnuʼu‑s‑sɨ nde juaʼan Spedru.
N‑taʼu tniu‑s nuu dava ka soldado‑s xa n‑ka xaʼni‑s soldado n‑ka xo ndee Spedru jan.
N‑xiʼí Herodes
Nu n‑yaʼa xaʼa,
n‑kee Herodes distrito Judea.
Vaxi‑s Cesarea xa kutuu‑s ijan.
20 Xaxeʼe xa n‑ka jantnaʼa Herodes xiʼin ñayiu Tiro xiʼin ñayiu Sidón,
xijan kuu xa n‑ka kida ɨnuu ñayiu ijan xa n‑ka xe koto‑i‑sɨ xa ndatnuʼu‑i xiʼin‑s.
N‑ka dajaʼan‑i ɨɨn se ndandɨʼɨ xinokuechi nuu Herodes xa na juñaʼa‑s nuu Herodes xa na ndumani koio‑i xiʼin‑s.
Blasto nani‑s.
Xaxeʼe xa nuu taxnuni Herodes kee xa ka ndoñuʼu‑i,
xijan kuu xa daa n‑ka kida‑i.
21 N‑xantuu Herodes kɨu ndatnuʼu‑s xiʼin ñayiu ijan.
Nu n‑xee kɨu ndatnuʼu‑s xiʼin‑i,
n‑ndadakutu‑s mee‑s daʼma xkuiʼno se ka taxnuni.
N‑nukoo‑s nuu silla nuu xko nukoo‑s xa taxnuni‑s,
te n‑jaʼan‑s nuu ñayiu xyuku ijan.
22 Nu n‑ka teku‑i xa n‑jaʼan‑s,
n‑ka kana‑i:
—Ianyuux kuu se jaʼan ya;
ñadu ñayiu —ka kuu‑i.
23 Dana ini n‑kida ɨɨn ángel,
ia xinokuechi nuu Ianyuux,
xa n‑kane kueʼe Herodes xaxeʼe xa ña n‑najuen tnuʼu‑s Ianyuux nuu ñayiu jan.
N‑xaxiaʼan tndaku,
te n‑xiʼí‑s.
24 Kɨu xiʼin kɨu ka teku ka ñayiu tnuʼu Ianyuux juaʼan,
te kueʼe ka‑i ka kukanu ini Jesucristu juaʼan.
25 N‑ka daxinokava Spalu xiʼin Bernabé tniu n‑ka jaʼan ñayiu xa kada‑s,
te n‑ka ndee‑s Jerusalén.
Xndeka‑sɨ Sua,
se dɨuni nani Smarku,
vaxi Antioquía.