N‑taxkanu ini Jesús ɨɨn ñadɨʼɨ
8
Te juaʼan Jesús yuku nani Yuku Yutnu Olivo.
2 Neʼe datne n‑naxee‑ia veñuʼu Jerusalén,
te n‑ka xee ntdaa ñayiu nuu tuu‑ia.
Nukoo‑ia nukeñuʼu ijan,
te n‑dakuaʼa‑ia ñayiu.
Jesús perdona a mujer condenada (Juan 8.1-11)
3 Ijan n‑ka xee se tuʼa vaʼa tnuʼu n‑chidotnuni Moisés,
xiʼin se fariseu.
Xndeka‑s ɨɨn ñadɨʼɨ n‑ka tnɨɨ‑s hora kaa‑ña xiʼin ɨɨn seyɨɨ ña kuu yɨɨ‑ña.
N‑ka kida‑s xa nujuiin‑ña meʼñu‑s ntdaa‑s.
4 N‑ka jaʼan‑s:
—Maestru,
n‑ka tnɨɨ‑r ñadɨʼɨ yaʼa hora kaa‑ña xiʼin se ña kuu yɨɨ‑ña.
5 Jaʼan tnuʼu n‑chidotnuni Moisés xa yuú io xa kaʼni‑ro ñadɨʼɨ duʼa ka kida.
Te mee‑n,
¿nanda kachi‑n?
6 Duʼa n‑ka jaʼan‑s,
xa ka xitotnuni‑s‑ia,
chi n‑ka juini‑s xa tekuechi koio‑s‑ia.
Ko Jesús,
nukuita ndeyu‑ia,
te xiʼin dɨkɨ ndaʼa‑ia n‑kidavaʼa‑ia nuu ñuʼu.
7 Ko se ijan,
n‑ka xijan tnuʼu ka‑s,
te n‑ndojuiin Jesús te n‑jaʼan‑ia:
—Se tnaʼa nuu mee‑n nuncas ña n‑kida kuechi,
kiʼna ka‑s na kani yuú mee‑ña.
8 Ɨnka vuelta nukuita ndeyu‑ia,
te n‑kidavaʼa‑ia nuu ñuʼu.
9 Se ijan,
na n‑ka teku‑s tnuʼu‑ia,
n‑ka dakuido n‑ka datau anu‑s,
te ɨɨn ni ɨɨn ni‑s n‑ka kee ijan.
Kiʼna nuu n‑ka kee se xaʼnu ka.
Dada xndijun dava‑s,
nde n‑ndoo menga Jesús ijan.
Te ñadɨʼɨ jan,
n‑ndoo naʼi‑ña nuu nujuiin‑ña.
10 N‑ndojuiin Jesús,
te ña n‑xini ka‑ia ni ɨnka se ka tekuechi ñadɨʼɨ jan.
Menga ñadɨʼɨ jan nujuiin ijan.
N‑xijan tnuʼu‑ia nuu‑ña:
—Ñadɨʼɨ,
¿nde xndaxio se n‑ka tekuechi ñaʼa mee‑n?
¿Ni ɨɨn‑s ña n‑ka kida uʼu ñaʼa u?
11 N‑jaʼan‑ña:
—Ñaʼa.
Ni ɨɨn‑te,
Dito.
Te n‑jaʼan Jesús:
—Mee‑r tuku,
ma kada uʼu ñaʼa‑r.
Juaʼan,
te maxku kada ka‑n kuechi.
N‑jaʼan Jesús: “Mee‑r kuu luz vaʼa ka koko ñuñayiu”
12 Ɨnka vuelta n‑jaʼan Jesús nuu ñayiu ijan:
—Mee‑r kuu luz vaʼa ka koko ñuñayiu.
Ñayiu kunduu xiʼin mee‑r,
nuncas ma kaka‑i nuu nee.
Kunduu‑i xiʼin luz vaʼa ka koko,
luz kida xa tuu vaʼa‑i.
Jesús es la luz del mundo (Juan 8.12-30)
13 Te n‑ka jaʼan se fariseu:
—Mee‑n jaʼan ndaa xaxeʼe mee‑n.
Xijan ñatu xiniñuʼu.
14 N‑jaʼan Jesús:
—Juini jaʼan‑r xaxeʼe mee‑r,
ko xandaa kuu xa jaʼan‑r,
chi xini‑r nde vaxi‑r te xini‑r nde nuʼu‑r.
Ko mee‑n,
ñayo‑n ka xini nde vaxi‑r ni nde nuʼu‑r.
15 Ka ndadandaa mee‑n xaxeʼe xa ka xini‑n xiʼin nuu‑n.
Ña ndadandaa mee‑r ni ɨɨn.
16 Ko nux ndadandaa‑r n‑kuu,
vaʼa ndadandaa‑r.
Chi meni mee‑r ma ndadandaa,
ko mee‑r xiʼin Ia n‑tundaʼa ñaʼa mee‑r,
nduu‑r ndadandaa.
17 Nuu tnuʼu taʼu tniu mee‑n,
yodotnuni xa uu seyɨɨ,
nux ɨɨn nuu ka jaʼan ndaa‑s,
te io xa jandixa‑ro xa ka jaʼan‑s.
18 Mee‑r kuu se jaʼan ndaa xaxeʼe‑r,
te xaxeʼe‑r jaʼan ndaa Taa‑r,
Ia n‑tundaʼa ñaʼa vaxi‑r.
19 N‑ka jaʼan‑s:
—¿Nde io taa‑n?
N‑xiaʼan Jesús:
—Ña ka xini ñaʼa‑n mee‑r,
te dani ña ka xini‑n Taa‑r.
Nux n‑ka xini ñaʼa‑n mee‑r n‑kuu,
te dani jini koio‑n Taa‑r.
20 Tnuʼu yaʼa n‑jaʼan Jesús hora n‑dakuaʼa‑ia ñayiu veñuʼu Jerusalén.
Ijan nukoo‑ia yatni nuu ka dakeé ñayiu tvini ka doko‑i nuu Ianyuux.
Te se ijan,
ñayo‑s n‑ka tnɨɨ‑ia,
chi ta xee ka hora‑ia.
“Nuu nuʼu mee‑r, te mayo‑n kuaʼa xa jɨʼɨn koio‑n”
21 Ɨnka vuelta n‑jaʼan Jesús:
—Nuʼu‑r,
te nanduku ñaʼa koio‑n,
ko ma naniʼi ñaʼa‑n,
te kuú koio‑n xiʼin kuechi‑n.
Nuu nuʼu mee‑r,
te mayo‑n kuaʼa xa jɨʼɨn koio‑n.
22 Te n‑ka jaʼan se Israel:
—¿Kaʼni‑s mee‑s a?
¿Xijan kuu xa jaʼan‑s:
“Nuu nuʼu mee‑r,
te mayo‑n kuaʼa xa jɨʼɨn koio‑n”, a?
23 N‑jaʼan‑ia:
—Mee‑n ka kuu se nde yaʼa,
mee‑r kuu se nde ijan.
Ka kuu mee‑n se ñuñayiu,
mee‑r,
ñatu kuu‑r se ñuñayiu.
24 Xijan kuu xa jaʼan‑r xa kuú koio‑n xiʼin kuechi‑n.
Chi nux ma jandixa ñaʼa koio‑n mee‑r,
te kuú koio‑n xiʼin kuechi‑n.
25 Te n‑ka xijan tnuʼu‑s:
—¿Ndoʼo,
jundu kuu‑n?
N‑jaʼan Jesús:
—Nde xa kiʼna nuu xa n‑jaʼan‑r jundu kuu‑r.
26 Kueʼe io xa kakuneʼe ka‑r xa ndadandaa ñaʼa‑r.
Ia n‑tundaʼa ñaʼa mee‑r,
Ia ndaa kuu‑ia.
Te tnuʼu mee‑ia jaʼan‑r.
Nani n‑teku‑r xa jaʼan mee‑ia,
dani jaʼan‑r nuu ñayiu ñuñayiu.
—Na katakaa koio‑n Se kuu ñani tnaʼa ñayiu,
te kutnuni ini koio‑n jundu kuu‑r.
Kutnuni ini koio‑n xa mee‑r,
ña kida‑r ni ɨɨn.
Kutnuni ini koio‑n xa nani n‑dakuaʼa ñaʼa Taa‑r dani jaʼan mee‑r.
29 Ia n‑tundaʼa ñaʼa mee‑r,
kunduu‑ia xiʼin‑r.
Ña dandoo ñaʼa‑ia.
Chi kɨu xiʼin kɨu kida mee‑r xa tna ini mee‑ia.
30 Na n‑jaʼan‑ia tnuʼu yaʼa,
te kueʼe ñayiu jan n‑ka jandixa ñaʼa.
Ntdaa ñayiu ka kida xa uʼu, ñatu xtuu libre‑i
31 Te n‑jaʼan Jesús nuu se Israel n‑ka jandixa ñaʼa:
—Nux kueka vaʼa koio ka‑n tnuʼu mee‑r,
duʼa ndaa kuu xa kunduu koio‑n xiʼin mee‑r.
Jesús se enfrenta a falsos discípulos (Juan 8.31-59)
33 N‑ka xiaʼan‑s:
—Daʼya taxaʼnu tnetnu‑ro Abraham ka kuu‑r.
Nuncas ñayo‑r n‑ka kuu ñayiu kidatniu duʼa nuu ɨnka ñayiu.
¿Nax kuu xa jaʼan‑n vitna xa kutuu libre koio‑r?
34 N‑xiaʼan Jesús:
—Xandaa kuu xa jaʼan‑r.
Ntdaa ñayiu ka kida kuechi,
kuu‑i ñayiu ñatu xtuu libre.
Ná kuu xtoʼo‑i kuu kuechi ka kida‑i.
35 Ñayiu ka kidatniu duʼa nuu ɨnka ñayiu,
ma kutuu vaʼa koio‑i veʼe jan nɨkava nɨkuita.
36 Xijan kuu xa,
nux kada Daʼya Yɨɨ Ianyuux xa koo libre koio‑n,
te ndaa xa koo libre koio‑n.
37 Xini‑r xa daʼya Abraham ka kuu‑n,
ko ka juini‑n xa kaʼni ñaʼa‑n.
Chi ñatu ka xeka vaʼa‑n tnuʼu‑r.
38 Kakuneʼe‑r xa n‑dandeʼa ñaʼa Taa‑r.
Te mee‑n,
ka kida‑n xa n‑jaʼan taa mee‑n.
39 N‑ka jaʼan‑s:
—Taa‑r kuu Abraham.
N‑jaʼan Jesús:
—Nux n‑ka kuu‑n daʼya Abraham n‑kuu,
kada koio‑n ná n‑kida Abraham.
40 N‑jaʼan‑r xa kuu xandaa,
n‑jaʼan‑r tnuʼu n‑jaʼan Ianyuux nuu‑r.
Ko ka juini mee‑n xa kaʼni ñaʼa koio‑n.
Duʼa ña n‑kida Abraham.
41 Mee‑n,
ka kida‑n nani kida taa‑n.
Xijan kuu xa n‑ka jaʼan‑s:
—Mee‑r,
ña ka kuu‑r daindaʼu.
Idini Taa‑r io.
Ianyuux kuu Taa‑r.
42 N‑jaʼan Jesús:
—Nux Ianyuux kuu Taa‑n n‑kuu,
te juemani ñaʼa koio‑n mee‑r.
Chi nuu tuu Ianyuux,
n‑kee mee‑r te vaa‑r.
Xaxeʼe mee‑r ñatu vaa‑r.
N‑tundaʼa ñaʼa Ianyuux mee‑r vaxi.
43 Ñatu ka kutnuni ini‑n xa jaʼan‑r,
chi ñatu ka xeka vaʼa‑n tnuʼu‑r.
44 Mee‑n,
ka kuu‑n daʼya taa‑n.
Daʼya kuiʼna ka kuu‑n.
Ka juini‑n xa kada‑n xa juini taa‑n.
Nde xa kiʼna nuu xaʼni kuiʼna ndɨyɨ.
Ña jandixa‑i xandaa,
chi ña tna ini‑i xandaa.
Hora jaʼan kuiʼna tnuʼu vete,
jaʼan‑i xa xani ini mee‑i.
Se jaʼan tnuʼu vete kuu kuiʼna,
te dakuaʼa‑i ñayiu xa jaʼan koio mee‑i tuku tnuʼu vete.
45 Ko mee‑r,
xaxeʼe xa jaʼan‑r xandaa,
te ña ka jandixa‑n xa jaʼan‑r.
46 ¿Ndeda mee‑n kuaʼa xa tekuechi ñaʼa‑n xa kida‑r xa uʼu?
Nux jaʼan‑r xandaa,
te,
¿nakuenda ña ka jandixa ñaʼa‑n?
47 Se kuu daʼya Ianyuux,
ka teku‑s tnuʼu Ianyuux.
Xijan kuu xa ña ka teku mee‑n,
chi ña ka kuu‑n daʼya Ianyuux.
N‑jaʼan Jesús: “Antecas xa kaku Abraham, te xá daa tuu‑r”
48 Te n‑ka jaʼan se Israel:
—¡Vaʼa ka jaʼan‑r xa kuu‑n se Samaria,
te kidatniu kuiʼna anu‑n!
49 N‑jaʼan Jesús:
—Ñatu kidatniu kuiʼna anu‑r,
ko io mee‑r xañuʼu nuu Taa‑r.
Te mee‑n ña ndaxio xañuʼu nuu mee‑r.
50 Ñadu xa juini mee‑r xa koo koio‑n xañuʼu nuu‑r,
chi juini Taa‑r xa koo koio‑n xañuʼu nuu‑r,
te ndadandaa ñaʼa mee‑ia mee‑n.
51 Xandaa kuu xa jaʼan‑r.
Nux chinuu ɨɨn ñayiu tnuʼu mee‑r,
te nuncas ma kuú‑i.
52 Te n‑ka jaʼan se Israel:
—Vitna xa n‑ka xini‑r xa kidatniu kuiʼna anu‑n.
N‑xiʼí Abraham.
Dɨuni n‑ka xiʼí ntdaa se n‑ka xian tnuʼu tnuʼu Ianyuux nuu ñayiu.
Te jaʼan mee‑n:
“Nux chinuu ɨɨn ñayiu tnuʼu mee‑r,
te nuncas ma kuú‑i.”
53 ¿Kunxaʼnu ka mee‑n dada taxaʼnu tnetnu‑ro Abraham a?
¡Ña ndaa!
N‑xiʼí Abraham.
Dɨuni n‑ka xiʼí se n‑ka xian tnuʼu tnuʼu Ianyuux nuu ñayiu.
¿Jundu xani ini mee‑n xa kuu‑n?
54 N‑jaʼan Jesús:
—Nux ndadakaʼnu‑r mee‑r,
ña xiniñuʼu ni ɨɨn.
Ndadakaʼnu ñaʼa Taa‑r.
Ka jaʼan mee‑n xa mee‑ia kuu Ianyuux ka jandixa‑n.
55 Ko ña ka xini‑n‑ia.
Ko mee‑r,
xini‑r‑ia.
Nux jaʼan‑r xa ña xini‑r‑ia,
te duʼa se jaʼan tnuʼu vete kuu mee‑r,
ná ka kuu mee‑n.
Ko xini‑r‑ia,
te chinuu‑r tnuʼu‑ia.
56 N‑xo ndetu taxaʼnu tnetnu‑n Abraham xa kixi mee‑r,
te n‑kuvete‑s.
N‑xini ñaʼa‑s,
te yo n‑kuvete‑s.
57 Te n‑ka jaʼan se Israel:
—Ni ta xee ka‑n uu diko uxi kuia,
¿te jaʼan‑n xa n‑xini‑n Abraham a?
58 N‑jaʼan Jesús:
—Xandaa kuu xa jaʼan‑r.
Antecas xa kaku Abraham,
xá daa tuu mee‑r.
59 Xijan kuu xa n‑ka tnɨɨ‑s yuú xa kaʼni‑s‑ia.
Ko mee‑ia n‑xekovaʼa nuu‑s,
te n‑kee‑ia veñuʼu ijan.
N‑yaʼa‑ia dava meʼñu ñayiu xyuku ijan,
te juaʼan‑ia.