Ñani Jesús, ñatu n‑ka jandixa‑s‑ia
7
Na n‑yaʼa xaʼa,
te n‑xikonuu Jesús distrito Galilea.
Ña n‑juini‑ia xa kuikonuu‑ia distrito Judea,
xaxeʼe xa ka juini se Israel xa kaʼni ñaʼa‑s.
2 Te vax kuyatni viko ñayiu Israel,
viko nani Viko Veʼe Yutnu Vixi.
Los líderes judíos quieren matar a Jesús (Juan 7.1-24)
—Maxku ndoo ka‑n yaʼa.
Juan naʼi Judea,
na jini koio se dakuaʼa‑n milagru kida‑n.
4 Ɨɨn seyɨɨ,
nux juini‑s xa jini ñaʼa koio ñayiu,
ma kada‑s tniu xa naʼi.
Nux kida‑n milagru,
dandeʼa mee‑n ntdaa ñayiu.
—Ta xee ka hora‑r.
Ko hora mee‑n,
davaʼa nga hora io vaʼa.
7 Ma kuaʼa xa jini uʼu ñaʼa ñayiu ñuñayiu mee‑n.
Mee‑r,
ka xini uʼu ñaʼa‑i,
chi jaʼan ndaa‑r xaxeʼe‑i xa ka kida‑i xa uʼu.
8 Juan naʼi koio mee‑n viko.
Ma jɨʼɨn‑r viko yaʼa vitna,
chi ta xee ka hora‑r.
9 Duʼa n‑jaʼan‑ia,
te n‑ndoo‑ia Galilea.
N‑xo tuu Jesús Viko Veʼe Yutnu Vixi
10 Ko na n‑yaʼa xa ka xeʼen ñani‑ia viko,
te n‑kee mee‑ia juaʼan‑ia tuku.
Ña juaʼan‑ia xiʼin kueʼe ñayiu,
chi naʼi ni juaʼan‑ia.
11 Te ka nanduku se Israel mee‑ia viko ijan.
N‑ka jaʼan‑s:
—¿Nde io se ijan?
12 Te ijan xyuku kueʼe xa kueʼe ñayiu.
Ka ndatnuʼu‑i xa ka kakuneʼe‑i Jesús,
ko naʼi ni.
Dava‑i n‑ka jaʼan:
“Se vaʼa kuu‑s”,
ko dava‑i n‑ka jaʼan:
“Ña ndaa,
chi dandaʼu‑s ñayiu yaʼa.”
13 Ko ni ɨɨn ñayiu ña n‑jaʼan xee,
chi n‑ka yuʼu‑i nuu se Israel.
14 Na ñudava viko,
te n‑xe xee Jesús nde veñuʼu Jerusalén,
te n‑kixeʼe‑ia xa dakuaʼa‑ia ñayiu.
15 Ña n‑ka kutnuni ini se Israel janda kuu xa dakuaʼa‑ia ñayiu.
N‑ka jaʼan‑s:
—¿Janda kuu xa tuʼa vaʼa se yaʼa?
Mee‑s ña n‑kaʼu‑s kueʼe kuia.
16 N‑jaʼan Jesús:
—Xa dakuaʼa‑r ñayiu,
ñatu kuu xa xani ini mee‑r.
Xa dakuaʼa‑r‑yɨ,
kuu xa xani ini Ia n‑tundaʼa ñaʼa mee‑r.
17 Nux juini ɨɨn ñayiu xa kada‑i xa juini Ianyuux,
kutnuni ini‑i nux tnuʼu jaʼan‑r kuu tnuʼu Ianyuux a tnuʼu mee‑r.
18 Ɨɨn seyɨɨ,
nux jaʼan‑s xa xani ini mee‑s,
juini‑s xa koo koio ñayiu xañuʼu nuu mee‑s.
Ko ɨɨn seyɨɨ,
nux juini‑s xa ndadakaʼnu ñayiu Ia n‑tundaʼa ñaʼa vaxi‑s,
se ijan,
se ndaa kuu‑s.
Kada‑s xavaʼa,
te ma kada‑s ni ɨɨn xa uʼu.
19 ʼ¿Ña ndaa xa n‑taxi Moisés tnuʼu taʼu tniu mee‑n a?
Ko ñayo‑n ka kida ná jaʼan tnuʼu taʼu tniu.
¿Nakuenda juini‑n xa kaʼni ñaʼa koio‑n?
20 N‑ka jaʼan ñayiu jan:
—¡N‑nduloko‑n!
¿Jundu juini xa kaʼni ñaʼa‑i?
21 N‑jaʼan Jesús:
—Idini tniu n‑kida‑r kɨu ndetatu‑ro,
te ñatu ka kutnuni ini‑n.
22 N‑jaʼan Moisés xa io xa kaʼnde‑n ñɨɨ nuu ii ntdaa seyɨɨ Israel.
(Te kueʼe kuia antecas xa jaʼan Moisés,
te n‑ka xaʼnde taxaʼnu tnetnu‑n ñɨɨ nuu ii seyɨɨ.)
Kɨu ndetatu‑ro ka xaʼnde koio mee‑n ñɨɨ nuu ii seyɨjɨn.
23 Ka xaʼnde‑s ñɨɨ nuu ii ɨɨn seyɨjɨn,
juini kɨu ndetatu‑ro kuu,
xa kada koio‑n xa jaʼan tnuʼu n‑chidotnuni Moisés.
¿Nax kuu xa ka kiti ini‑n nuu mee‑r xaxeʼe xa n‑ndadavaʼa‑r ɨɨn se kuʼu kɨu ndetatu‑ro?
24 Maxku kada uʼu koio‑n ɨɨn seyɨɨ antecas xa kutnuni ini koio‑n nax n‑kida‑s.
Io xa vaʼa ndadandaa koio‑n ntdaa ñayiu.
Jesús jaʼan ndexu vaxi‑ia
25 Te n‑ka jaʼan dava ñayiu Jerusalén:
—Se yaʼa,
¿ña dɨu se yaʼa ka juini se ñuu‑ro xa kaʼni koio‑s a?
Los líderes tratan de arrestar a Jesús (Juan 7.25-53)
26 Jira,
jaʼan‑s nuu ntdaa ñayiu,
te se ñuu‑ro,
ni ɨɨn tnuʼu ña ka jaʼan‑s nuu‑s.
¿Ka jandixa sexaʼnu ñuu‑ro xa ndaa xa kuu‑s Cristu,
Ia tundaʼa Ianyuux a?
27 Ko se yaʼa,
xini‑ro nde n‑kixi‑s.
Na kixi Cristu,
te ma jini ni ɨɨn ñayiu nde kixi‑s.
28 Xijan kuu xa xee n‑jaʼan Jesús veñuʼu nuu dakuaʼa‑ia ñayiu:
—Ka jaʼan‑n xa ka xini ñaʼa‑n mee‑r.
Ka jaʼan‑n xa ka xini‑n ndexu vaxi‑r.
Xaxeʼe mee‑r,
ñatu vaxi‑r.
Ia ndaa kuu Ia n‑tundaʼa ñaʼa mee‑r vaxi.
Mee‑ia,
ñatu ka xini‑n.
29 Mee‑r,
joon,
xini‑r‑ia,
chi vaa‑r nde nuu tuu‑ia,
te mee‑ia n‑tundaʼa ñaʼa vaa‑r.
30 Te n‑ka juini‑s xa tnɨɨ presu koio‑s‑ia.
Ko ni ɨɨn‑s ña n‑ka tnɨɨ‑s‑ia,
chi ta xee ka hora‑ia.
31 Ko kueʼe ñayiu jan n‑ka jandixa‑ia.
N‑ka jaʼan‑i:
—Cristu,
Ia tundaʼa Ianyuux,
na kixi mee‑ia,
¿kada‑ia kueʼe ka milagru dada xa n‑kida se yaʼa u?
Se fariseu, n‑ka tundaʼa‑s ausiliu xa jɨn tnɨɨ presu koio‑s Jesús
32 Te n‑ka tekutnuʼu se fariseu xa duʼa ka kakuneʼe kueʼe ñayiu jan Jesús.
Mee‑s,
xiʼin se ka taxnuni nuu ñayiu Israel,
n‑ka tundaʼa‑s ausiliu,
xa jɨn tnɨɨ presu koio‑s Jesús.
33 Te n‑jaʼan Jesús:
—Xaku nga kɨu kutuu‑r xiʼin‑n,
te dada nuʼu‑r nuu tuu Ia n‑tundaʼa ñaʼa.
34 Nanduku ñaʼa koio‑n,
ko ma naniʼi ñaʼa‑n.
Chi mayo‑n kuaʼa xa jɨʼɨn‑n nuu kutuu mee‑r.
35 Te n‑ka kixeʼe se Israel xa ka xijan tnuʼu tnaʼa‑s:
—¿Ndexu jɨʼɨn se yaʼa,
xa ma naniʼi‑ro‑s?
¿Jɨʼɨn‑s nde ñuu setoʼo,
nuu tuu ñayiu Israel meʼñu ñayiu ka jaʼan tnuʼu griegu a?
¿Ijan dakuaʼa‑s ñayiu toʼo,
ñayiu ñatu jandixa Ianyuux a?
36 ¿Nax juini kachi xa jaʼan‑s:
“Nanduku ñaʼa koio‑n,
ko ma naniʼi ñaʼa‑n,
chi mayo‑n kuaʼa xa jɨʼɨn‑n nuu kutuu mee‑r”?
Ñayiu ka jandixa Cristu, nde anu‑i kane ndute ndito kida xa kutuu vaʼa koio‑i
37 Kɨu xinokava viko,
kɨu kaʼnu ka viko kuu,
daa n‑xo nujuiin Jesús,
te n‑jaʼan‑ia:
—Nux yichi ɨɨn ñayiu,
na kunduu‑i xiʼin mee‑r,
te koʼo‑i.
38 Ná jaʼan tnuʼu Ianyuux,
duʼa koo.
Ñayiu ka jandixa ñaʼa mee‑r,
nde anu‑i kane ndute ndito kida xa kutuu vaʼa koio‑i.
39 Ko duʼa n‑kakuneʼe‑ia Espíritu Ianyuux tnɨɨ koio ñayiu jandixa Jesús.
Chi ta kixi ka Espíritu Ianyuux,
xaxeʼe xa ta ndadakaʼnu ka Ianyuux Jesús.
Dava ñayiu, n‑ka jandixa‑i Cristu, ko dava‑i, ñaʼa
40 Dava ñayiu jan,
na n‑ka teku‑i tnuʼu yaʼa,
n‑ka jaʼan‑i:
—Se yaʼa,
xandaa kuu xa kuu‑s se xian tnuʼu tnuʼu Ianyuux nuu ñayiu.
41 Dava‑i n‑ka jaʼan:
—Se yaʼa kuu Cristu,
Ia tundaʼa Ianyuux.
Ko dava‑i n‑ka jaʼan:
—¿Ñuu Galilea ni kixi Cristu a?
Ña ndaa.
42 Jaʼan tnuʼu Ianyuux xa Cristu ku kuu ɨɨn daʼya dana David.
Jaʼan xa kixi‑ia nde ñuu nani Belén,
ñuu David.
43 Xijan kuu xa xaxeʼe mee‑ia,
ñatu n‑kuu ɨɨn nuu ñayiu xyuku ijan.
44 Te dava‑i n‑ka juini xa tnɨɨ presu koio‑i‑ia,
ko ni ɨɨn‑i ña n‑kuyɨɨ xa tnɨɨ‑i‑ia.
Sexaʼnu ka taxnuni nuu ñayiu Israel, ña n‑ka jandixa‑s Jesús
45 Ijan n‑ka naxee ausiliu,
nuu xtuu se fariseu xiʼin dutu ka taxnuni.
N‑ka jaʼan se fariseu xiʼin dutu:
—¿Nakuenda ña n‑ka ndeka‑n‑sɨ kixi?
46 N‑ka jaʼan ausiliu:
—Nuncas ña n‑jaʼan ɨɨn seyɨɨ ná jaʼan se yaʼa.
47 Te n‑ka jaʼan se fariseu:
—¿Ndɨʼɨ ndoʼo,
n‑dandaʼu ñaʼa‑s tuku a?
48 Sexaʼnu ka taxnuni nuu ñayiu Israel,
xiʼin se fariseu,
¿mee‑s n‑ka jandixa se yaʼa u?
¡Ñaʼa!
49 ¡Ñayiu lilu ka kuu ñayiu!
Ña ka xini‑i tnuʼu n‑chidotnuni Moisés.
¡Na kada uʼu Ianyuux mee‑i,
ntdaa‑i!
50 Te dada n‑jaʼan ɨɨn se nani Nicodemo.
Nicodemo kuu se n‑xe kotoniʼni Jesús ɨɨn xakuaa.
Se fariseu kuu‑s,
ná ka kuu seyɨɨ xyuku ijan.
N‑jaʼan‑s nuu‑s:
51 —¿Nax jaʼan tnuʼu n‑chidotnuni Moisés?
¿Vatuka xa kada uʼu‑ro ɨɨn seyɨɨ,
antecas xa kunini‑ro xa jaʼan‑s xaxeʼe mee‑s a?
¿Vatuka xa kada uʼu‑ro‑s,
antecas xa kutnuni ini‑ro nax n‑kida‑s a?
52 N‑ka jaʼan‑s:
—¿Ndoʼo tuku,
se Galilea kuu‑n a?
Kaʼu ka tnuʼu Ianyuux,
te jini‑n xa nde Galilea,
nuncas ña n‑kixi se xian tnuʼu tnuʼu Ianyuux nuu ñayiu.
53 Te nuu dɨɨn ka nuʼu‑s veʼe‑s.