N‑ka xijan tnuʼu se Israel Jesús nuu jundu n‑tetutniu ñaʼa
20
Kɨu n‑jaʼan‑ia nuu‑i nax kada koio‑i xa na nanitaʼu‑i,
kɨu ijan xyuku dutu ka taxnuni xiʼin se ka tuʼa vaʼa ley n‑chidotnuni Moisés xiʼin sexaʼnu ka ka taxnuni nuu ñayiu Israel.
2 Te n‑ka jaʼan‑s nuu‑ia:
—Kachitnuʼu ñaʼa:
“¿Jundu n‑taʼu tniu xa kada‑n xa kida‑n?
¿Jundu n‑taxtutniu ñaʼa xa kida‑n xaʼa?”
ka kuu‑s,
ka xiaʼan‑s.
3 Te n‑jaʼan Jesús nuu‑s:
—Dani ruʼu,
na kajan tnuʼu ñaʼa‑r,
te jaʼan koio nuu‑r:
4 “¿Jundu n‑tetutniu Sua xa n‑dajuendute‑s ñayiu?
¿N‑tetutniu ñaʼa Ianyuux a n‑tetutniu ñaʼa ñayiu a?”
5 Te n‑ka ndatnuʼu‑s.
Ka xiaʼan tnaʼa‑s:
—Nux na juñaʼa‑ro:
“Ianyuux n‑tetutniu ñaʼa”,
te kachi‑s nuu‑ro:
“¿Nakuenda ña n‑ka jandixa‑n‑sɨ?”
6 Nux na juñaʼa‑ro:
“Ñayiu n‑taxtutniu ñaʼa”,
te janñaʼa ñayiu yuú chi vaʼa ka jandixa‑i xa tnuʼu n‑jaʼan Sua kuu tnuʼu Ianyuux —kuu‑s,
ka xiaʼan tnaʼa‑s.
—Dani ruʼu,
ma jaʼan‑r jundu n‑tetutniu ñaʼa xa duʼa kada‑r.
Anás cuestiona la autoridad de Jesús
Se loko n‑ka xitu tnu uva
9 Te n‑najani Jesús ɨɨn xa najani‑ia nuu se n‑ka kidandichi ñaʼa xiʼin nuu dava ka ñayiu xyuku ijan.
Duʼa n‑najani‑ia:
—N‑xio ɨɨn se n‑dandee kueʼe tnu uva nuu ñuʼu‑s.
Ijan dada n‑xiaʼan‑s ñuʼu‑s se kundee xiʼin‑s tnu uva xa na kaʼnde dava koio‑s uva juun jan.
Ijan dada juaʼan‑s ɨɨn nuu xika.
N‑kunaʼa juaʼan‑s.
10 N‑ xee yoo xichi uva,
te n‑tundaʼa‑s ɨɨn se xinokuechi nuu‑s xa na jɨn nukaʼnde dava‑s uva n‑juun jan xiʼin se xndee xiʼin‑s tnu uva jan,
ko n‑ka jani‑s se ijan.
Duʼa ni io‑s n‑ka nakuijun ñaʼa‑s.
11 Dani n‑kida ntuku se kuu xtoʼo ñuʼu jan.
N‑tundaʼa‑s ɨnka ntuku se xinokuechi nuu‑s xa jɨʼɨn‑s nuu se xndee xiʼin‑s tnu uva jan.
Dani,
n‑ka janñaʼa‑s.
Ɨɨn xa januu kuu xa n‑ka kida‑s.
N‑ka jan kuiʼa ñaʼa‑s,
te dani se ijan,
duʼa ni io‑s n‑ka nakuijun ñaʼa‑s.
12 Dani n‑kida ntuku se kuu xtoʼo ñuʼu jan.
N‑tundaʼa‑s ɨnka se xinokuechi nuu‑s nuu se xndee xiʼin‑s tnu uva jan.
Se kuu uni kuu se yaʼa.
N‑ka datnukueʼe ñaʼa‑s,
te n‑dajane ñaʼa‑s yuʼu ñuʼu jan.
13 N‑jaʼan mee n‑jaʼan ɨɨn se kuu xtoʼo ñuʼu jan:
“¿Nax kada‑ro?
Tundaʼa‑ro daʼya yɨɨ‑ro,
se mani juini‑ro jɨʼɨn.
Kudana koo koio‑s xañuʼu nuu‑s”,
kuu‑s,
n‑xani ini‑s.
14 Nu n‑ka xini se xndee xiʼin‑s tnu uva jan xa n‑kuyatni daʼya yɨɨ xtoʼo ñuʼu jan,
te ka xiaʼan tnaʼa‑s:
“Dɨu‑s kendoo xiʼin ñuʼu taa‑s.
Na kaʼni‑ro‑s na kuaʼa na ndoo‑ro xiʼin taʼu‑s.”
15 N‑ka kineʼe ñaʼa‑s yuʼu ñuʼu tnu uva jan,
te n‑ka xaʼni ñaʼa‑s.
¿Nax kada se kuu xtoʼo ñuʼu tnu uva jan se xndee xiʼin‑s uva jan?
16 Jɨʼɨn‑s nuu xndaxio se ka xitu tnu uva‑s,
te kaʼni‑s‑sɨ.
Juñaʼa nuu ntuku‑s ñuʼu‑s ɨnka ntuku se kundee koio xiʼin‑s tnu uva jan —kuu Jesús,
xiaʼan‑ia.
Ka xiaʼan se n‑ka teku tnuʼu‑ia:
—Maxkɨu,
maxñuu kuu xijan.
17 Te n‑nukondeʼa‑ia‑s,
te xiaʼan‑ia:
—¿Nax kuu xa ña ka kutnuni ini‑n tnuʼu Ianyuux yodo tnuni?
Duʼa jaʼan:
Ná kuu yuú ña n‑xe ini se ka kidavaʼa veʼe kuu‑s.
Yuú ña n‑ka xe ini se ijan n‑ndunuu yɨtnɨɨ nama veʼe.
18 Ñayiu na jungava ndodo nuu yuú ijan,
kukuechi‑i,
te nux jungava ndodo ñaʼa yuú jan,
dandiʼi ñaʼa‑i —kuu Jesús,
xiaʼan‑ia.
N‑ka xijan tnuʼu ñayiu Jesús nux io vaʼa xa juñaʼa‑i tvini nandajan se taxnuni ka
19 Hora ijan n‑ka nduku ini se ka tuʼa vaʼa tnuʼu n‑chidotnuni Moisés xiʼin dutu ka taxnuni xa tnɨɨ‑s‑ia chi n‑ka kutnuni ini‑s xa mee‑s n‑kakuneʼe ñaʼa Jesús xa n‑najani‑ia xijan,
ko n‑ka yuʼu‑s nuu ñayiu Israel.
Parábola de los Viñedos y los Arrendatarios
20 N‑ka tundaʼa‑s se kotoyuʼu ñaʼa xa kundeʼa vaʼa‑s xa kida‑ia chi n‑ka juini‑s xa tekuechi neñuu‑s‑ia xaxeʼe tnuʼu jaʼan‑ia,
te kajan‑s kuechi‑ia nuu gobernador.
Nu n‑ka xee se ijan nuu‑ia,
n‑ka kida nga‑s xa ka kuu‑s ñayiu vaʼa.
21 Ka xiaʼan‑s nuu‑ia:
—Maestru,
ka xini‑da xa tnuʼu ndaa jaʼan‑n nuu ñayiu.
Xavaʼa kuu xa jaʼan‑n nuu‑i.
Ñatu kaxí‑n ñayiu chi ɨnuu kuu ini vaʼa‑n nuu‑i ntdaa‑i.
Xanu ichi‑n‑yɨ ichi Ianyuux,
te vaʼa kutnuni ini‑n tnuʼu‑ia.
22 Kachitnuʼu ñaʼa‑n,
¿Io vaʼa xa najuñaʼa‑ro tvini nandajan César a ñaʼa u?
—kuu‑s,
ka xiaʼan‑s nuu‑ia.
23 N‑kutnuni ini‑ia xa xaloko ka juini‑s;
xaxeʼe xijan xiaʼan‑ia nuu‑s:
24 —Dandeʼa ñaʼa tvini roma.
¿Jundu nuu ndenee nuu tvini yaʼa?
¿Jundu dɨu ndenee?
Ka xiaʼan‑s:
—Nuu César.
Dɨu César.
25 Xiaʼan ntuku Jesús nuu‑s:
—Ate,
najuñaʼa koio‑n César xa nandajan‑s,
te najuñaʼa koio Ianyuux xa io xa najuñaʼa‑n‑ia.
26 Ña n‑kuu xa jaʼan koio‑s xa io kuechi Jesús xaxeʼe tnuʼu n‑jaʼan‑ia nuu ñayiu xyuku ijan.
N‑ka yuʼu‑s,
te n‑ka xadɨ yuʼu‑s.
Ña n‑ka jaʼan ka‑s.
Pagándole Impuestos a Cesar
N‑kakuneʼe Jesús xa nandoto ndɨyɨ
27 N‑ka xee se saduceu nuu Jesús.
Se yaʼa ka jaʼan nuu ñayiu xa ñayo ndɨyɨ nandoto.
N‑ka jaʼan‑s nuu‑ia:
28 —Maestru,
n‑chidotnuni Moisés xa:
“Nux na kuú ɨɨn seyɨɨ te ña n‑xio daʼya‑s xiʼin ñadɨʼɨ‑s,
io xa natnundaʼa ñani‑s xiʼin ñadɨʼɨ‑s xa na koo daʼya‑ña xiʼin ñani‑s te kuenda kɨu daʼya se n‑xiʼí jan ku kuu daʼya ijan.”
29 N‑xio uxa daʼya yɨɨ ɨɨn seyɨɨ.
Se xaʼnu ka,
n‑tnundaʼa‑s xiʼin ñadɨʼɨ‑s.
Ñayo na daʼya‑s xiʼin‑ña n‑xio,
te n‑xiʼí‑s.
30 Dani se kuu uu.
N‑natnundaʼa‑s xiʼin ñadɨʼɨ jan.
Dɨuni ña n‑xio daʼya‑s xiʼin‑ña,
te n‑xiʼí‑s.
31 Dani se kuu uni.
Uxa ñani‑s n‑tnundaʼa xiʼin ñá ijan,
te ni ɨɨn‑s ña n‑xio daʼya xiʼin‑ña,
te n‑ka xiʼí‑s.
32 Ijan dada ndijun nga mee‑ña n‑xiʼí.
33 ¿Ndeda ɨɨn‑s ñadɨʼɨ ku kuu‑ña na nandoto ñayiu n‑ka xiʼí?,
chi ntdaa‑s n‑kuu yɨɨ‑ña —ka kuu‑s,
n‑ka xijan tnuʼu‑s Jesús.
34 Xiaʼan Jesús nuu‑s:
—Ka datnundaʼa tnaʼa ñayiu io vitna,
35 ko na xee kɨu na nandoto ñayiu io xa kutuu andɨu,
ma datnundaʼa tnaʼa‑i,
36 ni ma kuú ka‑i chi ku kuu‑i ná ka kuu ángel,
ia ka xinokuechi nuu Ianyuux.
Nani kuu xa ma kuú Ianyuux,
dani ma kuú‑i chi nadandoto ñaʼa Ianyuux.
37 Xaxeʼe xa n‑kakuneʼe Moisés ndɨyɨ na n‑xo tuu‑s nuu n‑xini‑s yutnu koko,
xini‑ro xa n‑kutnuni ini‑s xa nandoto ndɨyɨ.
Mee‑s n‑chidotnuni xa Taa‑ro Ianyuux kuu Ianyuux Abraham.
Kuu‑ia Ianyuux Isaac.
Dani kuu‑ia Ianyuux Jacob.
Taa‑ro Ianyuux kuu Ianyuux mee‑s ɨɨn ɨɨn‑s.
38 Ñatu ndeka Ianyuux ndɨyɨ chi ndeka‑ia ñayiu xndito.
Xaxa mee‑ia ntdaa ñayiu xndito,
juini n‑ka xiʼí‑i —kuu Jesús,
xiaʼan‑ia.
39 Te n‑ka xiaʼan se ka tuʼa vaʼa tnuʼu n‑chidotnuni Moisés nuu Jesús:
—Maestru,
vaʼa n‑jaʼan‑n.
40 Te ñayo ka‑s n‑kuyɨɨ xa kajan tnuʼu ka‑s‑ia.
Daʼya dana David kuu Cristu, Ia kuu Ianyuux
41 Ijan dada n‑xijan tnuʼu‑ia‑s:
N‑jaʼan Taa‑ro Ianyuux nuu Ia kuu Xtoʼo‑ro:
“Nkoo diñi kuaʼa‑r,
43 nɨni na xee tiempo kada‑r xa taxnuni‑n nuu se ka xini uʼu ñaʼa.”
44 Xaxeʼe xa n‑jaʼan David xa xtoʼo‑s kuu Cristu na n‑xo tuu‑s,
¿Janda kuu Cristu daʼya dana‑s?
N‑jaʼan Jesús xa io kuechi se ka tuʼa vaʼa ley Moisés
45 Nɨni xyuku ñayiu ijan xa xnini‑i xa jaʼan‑ia,
xiaʼan‑ia nuu se dakuaʼa‑ia:
46 —Kunaʼa koio xa ñatu ɨnuu vaʼa se ka tuʼa vaʼa tnuʼu n‑chidotnuni Moisés.
Ka tna ini‑s xa kuiʼno‑s dijun nani,
dijun se ndandɨʼɨ.
Ka tna ini‑s xa koo ñayiu xyuku nuu yaʼu xañuʼu nuu‑s.
Ka tna ini‑s xa kunukoo‑s yatni nuu ka xko nukoo se ka jaʼan ndodo nuu ñayiu xyuku xiti veñuʼu kuechi.
Dɨuni ka tna ini‑s xa kunukoo‑s nuu ka xku nukoo se ndandɨʼɨ hora ka xaxdeʼñu‑s ɨɨn nuu io viko.
47 Ka jendee‑s veʼe ñá n‑ka xiʼí yɨɨ.
Ka kida nga‑s xa vaʼa‑s.
Yo naʼa ka xijan taʼu‑s xa na kundeʼa ñayiu.
Ndeʼe ndaʼu ka yaʼa koio‑s na ndundaa kuechi ñayiu dada dava ka ñayiu.