Tnu higo ñatu juun xavidi
13
Tiempu ijan n‑ka xee se n‑ka xee nuu Jesús.
Te n‑ka najani‑s xa mee hora ka doko tɨtnɨ se Galilea kɨtɨ‑s nuu altar,
n‑xaʼni ñaʼa Pilato.
Te n‑daka niʼno‑s nɨñɨ‑s xiʼin nɨñɨ kɨtɨ n‑xiʼi nuu altar jan.
2 Xiaʼan Jesús:
—Ka xani ini‑n xa n‑ka kida se ijan kueʼe ka kuechi dada dava ka se Galilea xa duʼa n‑ka yaʼa‑s.
Va daa ka xani ini‑n,
3 ko ñaʼa.
Nux ma natu ini‑n xa n‑ka kida‑n kuechi,
dani yaʼa koio mee‑n.
4 Va dɨuni ka xani ini‑n xa xaun uni ni se n‑ka xiʼí na jungava ndodo ñaʼa torri nani Siloé n‑ka kida kueʼe ka kuechi dada dava ka ñayiu io Jerusalén,
5 ko ñaʼa.
Nux ma natu ini‑n xa n‑ka kida‑n kuechi,
daa yaʼa koio mee‑n —kuu Jesús,
xiaʼan‑ia.
6 Te n‑jaʼan‑ia tnuʼu kandee nuu ñayiu xyuku ijan.
Xiaʼan‑ia:
—N‑taʼu tniu ɨɨn se kuu xtoʼo ñuʼu xa dandee ɨɨn se xinokuechi nuu‑s tnu higo meʼñu tnu uva xetata‑s.
Nu n‑xaʼnu‑tnu,
te juan tnɨɨ xtoʼo ñuʼu jan higo,
ko ña tuu na higo niʼi‑s.
7 Te n‑jaʼan‑s nuu se ndee tnu uva jan:
“Neʼe.
Kundeʼa‑n‑tnu xa ña tuu nax juun‑tnu.
Xa n‑kuu uni kuia kixi‑r xa tnɨɨ‑r higo,
te ña tuu nax niʼi‑r.
Kaʼnde‑tnu chi nukoo duʼa ni‑tnu.”
8 Te n‑jaʼan se ijan:
“Dito,
idii nga kuia na ku nukoo naʼi‑tnu.
Kuia vitna na nadataya‑da ñuʼu nɨkanduu xeʼe‑tnu xa dakeé‑da xeʼen.
9 Te nux na juun‑tnu,
io vaʼa.
Nux ñaʼa,
kaʼnde‑n‑tnu” —kuu‑s,
xiaʼan‑s.
N‑ndadavaʼa Jesús ɨɨn ñadɨʼɨ kɨu ndetatu ñayiu
10 N‑xee kɨu sabado,
kɨu ndetatu ñayiu Israel.
Kɨu ijan dakuaʼa Jesús ñayiu xiti ɨɨn veñuʼu luchi.
11 Ijan n‑xee ɨɨn ñá ñuʼu ñaʼa xaloko.
Kuʼu yata‑ña.
N‑kuu xaun uni kuia io tɨʼɨ yata‑ña.
Ña kuu daʼu ni xa kunujuiin ndaa‑ña.
12 N‑xini ñaʼa‑ia,
te n‑kana ñaʼa‑ia.
Xiaʼan‑ia nuu‑ña:
—N‑yaa‑n nuu xaloko.
Ma koo tɨʼɨ ka yata‑n.
13 Te n‑xajan ndodo ñaʼa‑ia ndaʼa‑ia.
Danaa n‑ndundaa yata‑ña.
Te n‑nakuetu‑ña nuu Ianyuux.
14 Yo n‑kiti ini se kida veñuʼu nuu Jesús chi n‑ndadavaʼa‑ia ñayiu kɨu ka ndetatu ñayiu Israel.
Te n‑jaʼan‑s nuu ñayiu xyuku ijan:
—Maxku kixi‑n xa ndvaʼa koio‑n kɨu ka ndetatu‑ro.
¿Nakuenda ñatu ka kixi‑n kɨu ka kidatniu‑ro?
—kuu‑s,
xiaʼan‑s.
15 Te xiaʼan Jesús,
Ia kuu Xtoʼo‑ro,
nuu‑s:
—Ka kida nga‑n xa vaʼa‑n.
Davaʼa nga‑n ka nandaxi nkutu‑n a burru‑n,
te xndeka‑n‑tɨ ka xeʼen ndute kɨu ndetatu‑ro.
16 Nani ka kuu‑n daʼya dana Abraham,
dani kuu‑ña daʼya dana Abraham.
Xa yɨʼɨ xaun uni kuia ñuʼu ñaʼa Satanás.
¿Nax kuu xa ña io vaʼa xa yaa‑ña nuu‑i kɨu ndetatu‑ro?
17 Nu n‑yaʼa xa n‑jaʼan‑ia xijan,
te n‑ka kujanuu ñayiu kuiʼa n‑ka jaʼan nuu‑ia.
N‑ka kudɨ ini ntdaa ñayiu xyuku ijan xaxeʼe xa vichi vaʼa n‑kida‑ia.
Sanación en el Sabbat
N‑kakuneʼe Jesús xa taxnuni Ianyuux
18 Xijan kuu xa xiaʼan‑ia:
—Ñayiu n‑ka kɨu tnaʼa nuu ñayiu ka jandixa xa taxnuni Ianyuux nuu‑i kuu ná kuu ɨɨn
19 ndɨjɨn tnumaxtaxa.
N‑dakeé ɨɨn seyɨɨ idii ni ndɨjɨn‑tnu nuu ñuʼu‑s,
te n‑kaʼndɨ‑tnu.
N‑xaʼnu dujun tnumaxtaxa,
te n‑ka xajan chilidaa taka‑tɨ daʼnda‑tnu.
El Reino de Dios como una Semilla de Mostaza
20 Ijan dada n‑jaʼan‑ia ɨnka ntuku tnuʼu kandee:
—Xaku ni ñayiu ka jandixa xa taxnuni Ianyuux nuu‑i.
Juini xaku ni‑i jandixa‑ia,
ko kueʼe ka ñayiu ka teku tnuʼu‑ia juaʼan.
21 Tnuʼu‑ia kuu ná kuu levadura.
N‑tnɨɨ ɨɨn ñadɨʼɨ levadura,
te n‑daka niʼno‑ña xiʼin oko uu litro yuchi trɨu.
N‑ndaa yuxa jan nde n‑xee na koo.
Yeʼe Tnaʼa
22 Dani juaʼan‑ia ichi juaʼan Jerusalén.
Nɨni n‑yaʼa‑ia ñuu naʼnu,
ñuu kuechi n‑dakuaʼa‑ia ñayiu.
23 Te n‑jaʼan ɨɨn ñayiu nuu‑ia:
—Dito,
¿xaku ni ñayiu nanitaʼu a kueʼe‑i a?
Te n‑jaʼan ka ntuku Jesús tnuʼu kandee nuu‑i:
24 —Teyɨka koio‑n mee‑n xa mee ni tnuʼu ruʼu jandixa koio‑n xa jɨʼɨn‑n andɨu.
Kuenda kɨu jɨʼɨn‑n ɨɨn veʼe,
te kɨu‑n yeʼe tnaʼa kuu xa jɨʼɨn‑n ijan.
Kueʼe ñayiu nduku ini xa jɨʼɨn koio‑i ijan,
ko ma ntdaa‑i jɨʼɨn.
25 Nu n‑kunee nakadɨ kutu ɨɨn se kuu xtoʼo ɨɨn veʼe yeʼe‑s.
Nux jɨʼɨn koio‑n veʼe‑s xa kɨu‑n ijan te nux kunujuiin koio‑n yata veʼe‑s te dakande‑n yeʼe jan,
te juñaʼa‑n:
“Dito,
Dito,
najaan‑n yeʼe na xe kɨu koio‑da”,
te jaʼan‑s:
“Ñaʼa,
chi ña xini ñaʼa‑r.
Ña xini‑r nde kuu ñuu‑n.”
26 Te jaʼan koio‑n:
“N‑ka xaxi‑ro,
n‑ka xiʼi‑ro,
te n‑dakuaʼa‑n ñayiu ichi kaʼnu ñuu‑da.”
27 Kuenda kɨu xtoʼo veʼe jan kuu‑r.
Te jaʼan‑r nuu‑n:
“Aru jaʼan xa ña xini ñaʼa‑r.
Ña xini‑r nde kuu ñuu‑n.
Juaʼan naʼi koio chi ñayiu ka kida kuechi ka kuu‑n.”
28 Yo ndeʼe ndaʼi koio‑n,
te ndeʼe kiti ini koio‑n nuu Ianyuux kɨu ijan xaxeʼe xa mayo‑n kɨu nuu taxnuni‑ia xiʼin xaxeʼe xa jini‑n xa tuu Abraham,
Isaac xiʼin Jacob xiʼin ntdaa se n‑ka jaʼan tnuʼu Ianyuux nuu ñayiu.
29 Xee ñayiu ntdantuʼu ñuu xndatuu ñuñayiu ijan.
Kee koio‑i nkoon lado ñuñayiu.
Nde nuu kane ngandii xiʼin nde nuu keé ngandii,
nde xeʼe ñuñayiu xiʼin nde dɨkɨ ñuñayiu kee koio‑i xa kunukoo koio‑i yuʼu mexa xa kaxdeʼñu‑i nuu taxnuni Ianyuux.
30 Kueʼe ñayiu kunuu ka vitna,
nduu‑i ñayiu ña ndandɨʼɨ.
Ñayiu ña ndandɨʼɨ vitna,
nduu‑i ñayiu ndandɨʼɨ kɨu ijan —kuu Jesús,
xiaʼan‑ia.
N‑ndaʼi Jesús xaxeʼe Jerusalén
31 Hora ijan n‑ka xee dava se fariseu nuu Jesús,
te ka xiaʼan‑s nuu‑ia:
—Juaʼan ɨnka lado chi kuu Herodes xa kaʼni ñaʼa‑s.
32 Te n‑jaʼan‑ia nuu‑s:
—Juan juñaʼa koio‑n se kuu ná kuu chikuii jan,
xa xaku nga kɨu ndoñuʼu xa daxinokava‑r xa ndadavaʼa‑r ñayiu xiʼin xa kineʼe‑r xaloko xñuʼu anu‑i.
33 Dani xaku nga kɨu ndoñuʼu xa jɨʼɨn ntuku‑r Jerusalén.
Io xa jɨʼɨn‑r chi ñatu io vaʼa nux xiʼí ɨɨn se jaʼan tnuʼu Ianyuux nuu ñayiu ɨnka ñuu.
34 Te n‑kixeʼe‑ia xa kakuneʼe‑ia ñayiu Jerusalén.
N‑jaʼan‑ia:
—Mee‑n xa kuu‑n ñayiu Jerusalén,
ka xaʼni‑n se ka jaʼan tnuʼu Ianyuux nuu ñayiu,
te ka jani‑n se n‑tundaʼa ñaʼa Ianyuux yuú.
Naka kueʼe vuelta n‑juini‑r xa kada‑r ná kida chuun.
Nadataka‑t daʼya‑t kaʼa ndixi‑t xa ñunuu‑t‑tɨ.
Duʼa n‑juini‑r xa kada ñaʼa‑r,
ko ñayo‑n n‑juini.
35 Kunaʼa koio‑n xa mayo ka‑n kutuu Jerusalén,
te ma kutuu ka‑ro.
Xee kɨu jaʼan‑n:
“Naka taʼu Ia n‑natundaʼa ñaʼa Ianyuux xa juan ndixi‑ia ñuñayiu;
ijan dada jini ñaʼa ntuku‑n” —kuu‑ia,
xiaʼan‑ia.