N‑juini Kuiʼna xa dajaʼan‑i Jesús xa kada‑ia kuechi
4
N‑keé Espíritu Ianyuux Jesús nuu n‑nane‑ia nuu ndute xika Deʼva Jordán,
te n‑jaʼan Espíritu Ianyuux nuu‑ia xa na jɨʼɨn‑ia nuu ñatu nga juun dau,
te ñayo io.
2 Ijan n‑xo tuu‑ia uu diko kɨu.
Ntdaa kɨu ijan n‑kuu Kuiʼna xa dajaʼan ñaʼa‑i xa kada‑ia kuechi.
Ni ɨɨn xa ña tuu nax n‑xaxi‑ia uu diko kɨu ijan.
Ijan dada yo n‑kojon‑ia.
3 N‑jaʼan Kuiʼna nuu‑ia:
—Nux ndaa xa Daʼya Yɨɨ Ianyuux kuu‑n juñaʼa yuú yaʼa na nduu‑i tila.
4 Te n‑jaʼan Jesús nuu‑i:
—Yodotnuni tnuʼu Ianyuux xa:
“Ñadu diko ni xa kaxi koio ñayiu kundito‑i.”
5 Ijan te ndeka ñaʼa Kuiʼna juaʼan ɨɨn nuu dujun,
te nuniʼno ni n‑dandeʼa ñaʼa‑i ntdaa ñuu ñuñayiu nuu ka taxnuni se ka taxnuni.
6 Te xiaʼan‑i nuu‑ia:
—Ntdandituʼu xaʼa taxi‑r,
te tetutniu ñaʼa‑r xa taxnuni‑n ntdandituʼu ñuñayiu yaʼa.
Ndadakaʼnu ñaʼa ñayiu ya mee‑n chi mee‑r n‑taxi Ianyuux ntdaa xaʼa,
te ñayiu kuu ini mee‑r juñaʼa‑r.
7 Nux njuiin xiti‑n nuu‑r te nakuetu‑n nuu‑r,
te xaxii‑n kuu ntdandituʼu xaʼa.
8 Xiaʼan Jesús nuu‑i:
—Yodotnuni tnuʼu Ianyuux xa:
“Nuu Ianyuux,
Ia kuu Xtoʼo‑ro,
njuiin xiti koio,
te nakuetu koio.
Nuu mee ni‑ia junukuechi koio.”
9 Dɨuni ndeka ñaʼa Kuiʼna juaʼan xa jandodo ñaʼa‑i nuu dujun ka dɨkɨ veñuʼu Jerusalén.
Te xiaʼan‑i nuu‑ia:
—Nux ndaa xa Daʼya Yɨɨ Ianyuux kuu‑n,
jungava nde nuu ñuʼu jan
10 chi yodotnuni tnuʼu Ianyuux xa:
“Taʼu tniu Ianyuux nuu ángel,
ia ka xinokuechi nuu‑ia,
xa junuu ñaʼa‑ia.”
11 Dɨuni yodotnuni tnuʼu‑ia:
“Junuu ñaʼa koio‑ia xa na ñaʼa tnukueʼe xeʼe‑n nuu yuú” —kuu Kuiʼna,
n‑xiaʼan‑i.
12 Te xiaʼan Jesús nuu‑i:
—Dɨuni yodotnuni tnuʼu‑ia:
“Maxku kototnuni‑n Ianyuux,
Ia kuu Xtoʼo‑ro.”
N‑kixeʼe Jesús xa kada‑ia tniu‑ia
13 Nu n‑yaʼa xa n‑xitotnuni Kuiʼna Jesús,
te n‑dandoo ñaʼa‑i,
te ña n‑naxee ka‑i nde kɨu n‑ngondita‑i ɨnka vuelta.
El Diablo Tienta a Jesús
14 Ñuʼu Espíritu Ianyuux Jesús,
te n‑kuaʼa‑ia xa kada‑ia tniu‑ia.
N‑xiko‑ia juan ndixi distrito Galilea.
Yo n‑ka xo najani ñayiu Galilea xa n‑kida‑ia.
15 N‑xo dakuaʼa‑ia ñayiu Israel xiti veñuʼu kuechi‑i,
te n‑ka xo najuen tnuʼu‑i‑ia.
N‑ka dangondita ñayiu Nazaret Jesús
16 N‑xiko‑ia,
n‑naxee‑ia Nazaret,
ñuteyu‑ia.
Nani n‑xo xeʼen‑ia veñuʼu kuechi ntnaʼa sabado nuu n‑xo tuu‑ia,
dani n‑xo xeʼen‑ia veñuʼu luchi ñuu‑ia.
N‑xee ntuku kɨu sabado,
te juaʼan‑ia veñuʼu luchi jan,
te n‑nukoo‑ia.
Ijan dada n‑ndojuiin‑ia xa kaʼu ndodo‑ia tnuʼu Ianyuux yodotnuni nuu ñayiu xyuku ijan,
17 te n‑xiaʼan se xko kida veñuʼu tutu tuniʼno n‑kidavaʼa Isaías,
se n‑jaʼan tnuʼu Ianyuux nuu ñayiu.
N‑nandɨka‑ia tutu jan,
te nu n‑naniʼi‑ia tnuʼu kaʼu‑ia,
n‑kaʼu ndodo‑ia nuu ñayiu xyuku ijan:
18 N‑tetutniu ñaʼa Espíritu Ianyuux xa jaʼan‑r tnuʼu‑ia nuu ñayiu ka kundaʼu.
Ɨɨn xavaʼa kuu xa jaʼan‑r nuu‑i.
Ñuʼu ñaʼa Espíritu‑ia.
N‑tundaʼa ñaʼa‑ia xa jaʼan‑r nuu ñayiu xyɨndiʼu nax kada koio‑i xa yaa‑i.
N‑tundaʼa ñaʼa‑ia xa ndadavaʼa‑r ñayiu kuaa na kuaʼa na nukondeʼa‑i.
N‑tundaʼa ñaʼa‑ia xa kada‑r xa yaa ñayiu nuu ñayiu kida uʼu ñaʼa.
19 N‑tundaʼa ñaʼa‑ia xa jaʼan‑r xa n‑xee kɨu n‑xantuu Ianyuux xa kada‑ia ɨɨn xa kada‑ia.
20 Ijan dada n‑natuniʼno‑ia tutu jan,
te n‑najuñaʼa‑ia se xko kida veñuʼu,
te n‑nukoo‑ia.
N‑ka nukondeʼa ñaʼa ntdandituʼu ñayiu xyuku veñuʼu luchi jan.
21 Te n‑kixeʼe‑ia xa jaʼan‑ia:
—Vitna kuu xa n‑xetnaʼa tnuʼu Ianyuux yodotnuni,
te n‑ka xo nini‑n —kuu‑ia,
xiaʼan‑ia.
22 N‑ka kutnuni ini ñayiu n‑ka teku tnuʼu n‑jaʼan‑ia xa tnuʼu vii tnuʼu vaʼa n‑jaʼan‑ia.
Dɨuni n‑ka kutnuni ini‑i xa ɨɨn xavaʼa kuu.
N‑ka xiaʼan tnaʼa‑i:
—¿Ñadu se yaʼa kuu daʼya yɨɨ José a?
23 Te xiaʼan Jesús nuu ñayiu jan:
—Vaa kachi koio‑n nuu‑r:
“Na jaʼan‑r tnuʼu yaʼa:
Nani dakuaʼa‑n ɨnka ñayiu,
dani dakuaʼa‑n ñayiu yaʼa.”
Te vaa dɨuni kachi‑n nuu‑r:
“Nani n‑kida‑n ñuu Capernaum,
dani ndoñuʼu xa kada‑n ñuteyu‑n chi n‑ka teku‑r xa n‑kida‑n ijan.”
24 Xandaa xakuiti xa se jaʼan tnuʼu Ianyuux nuu ñayiu,
ñayo ñayiu ñuteyu‑s xe ini ñaʼa.
25 Na n‑xo tuu Elías nación Israel ya,
daa n‑ndii uni yodo kuia,
te n‑kixi tnama ndeʼe nituʼu nación ya.
Kueʼe ñadɨʼɨ n‑ka xiʼí yɨɨ n‑xio daa.
26 Ña n‑tundaʼa Ianyuux Elías nuu ɨɨn ñá yaʼa chi n‑tundaʼa‑ia Elías nuu ɨɨn ñadɨʼɨ n‑xiʼí yɨɨ ñuu nani Sarepta,
distrito Sidón.
27 Dɨuni n‑xio kueʼe ñayiu tnaʼa kueʼe teʼyu ñɨɨ nación Israel ya na n‑xo tuu Eliseo,
se n‑jaʼan tnuʼu Ianyuux nuu ñayiu.
Ñayo‑i n‑ndvaʼa.
Mee ni Naamán,
se nación Siria n‑ndvaʼa.
28 Yo n‑ka kiti ini ñayiu xyuku veñuʼu luchi jan xa n‑ka teku‑i tnuʼu ijan,
29 te n‑ka ndojuiin‑i,
te n‑ka kineʼe ñaʼa‑i yuʼu ñuu jan.
Xndeka ñaʼa‑i juaʼan ɨɨn dɨkɨ yuku nuu katuu ñuu‑i xa dajungava ñaʼa koio‑i,
30 ko n‑yaʼa‑ia meʼñu‑i ntdaa‑i,
te n‑kee‑ia.
Jesús Proclama el Cumplimiento de las Escrituras
N‑kineʼe Jesús xaloko ñuʼu anu ɨɨn seyɨɨ
31 Juan nuʼu‑ia Capernaum.
Capernaum kuu ɨnka ñuu katuu distrito Galilea.
Ntnaʼa sabado n‑dakuaʼa‑ia ñayiu veñuʼu luchi ñuu ijan.
32 N‑ka yuʼu ñayiu n‑ka teku xa n‑jaʼan‑ia jan,
te n‑kunuu tnuʼu‑ia chi n‑ka kutnuni ini‑i xa n‑tundaʼa ñaʼa Ianyuux.
33 Veñuʼu luchi jan tuu ɨɨn se ñuʼu ñaʼa xaloko,
te xee n‑kana‑s.
Xiaʼan‑s nuu Jesús:
34 —Dito,
¿nax juun ñaʼa‑n?
¿Vaxi‑n xa danaa ñaʼa‑n a?
Xini‑da jundu kuu‑n.
Daʼya Yɨɨ Ianyuux kuu‑n.
35 Te n‑kudeen Jesús nuu xaloko ñuʼu anu se ijan.
Xiaʼan‑ia:
—Kadɨ yuʼu‑n.
Ta kee anu‑s —kuu‑ia,
xiaʼan‑ia nuu‑i.
Te n‑dajane xaloko jan se ijan meʼñu ñayiu xyuku ijan.
N‑ndua‑s,
ko ña tuu nax n‑kuu‑s,
te n‑kee xaloko jan anu‑s.
36 Te yo ndeʼe n‑ka yuʼu ntdaa ñayiu xyuku jan.
Xiaʼan tnaʼa‑i:
—Ñayo n‑xani ini xa duʼa kada ɨɨn se yaʼa xa taʼu tniu‑s nuu xaloko,
te kee‑i.
37 Te n‑ka teku ntdaa ñayiu io nɨkaduku Capernaum xaʼa.
N‑ndadavaʼa Jesús didido Simón
38 N‑kee‑ia veñuʼu luchi jan,
te juaʼan‑ia veʼe Simón.
Tnaʼa didido Simón kaʼni ndeʼe,
te n‑ka jaʼan ñayiu xyuku ijan nuu‑ia xa na ndadavaʼa ñaʼa‑ia.
39 N‑xe juiin ndeyu‑ia nuu kaa‑ña,
te n‑kudeen‑ia nuu kaʼni ndeʼe ñuʼu ñaʼa,
te n‑ndiko ñaʼa kaʼni.
Hora ijan ni n‑ndokoo‑ña,
te n‑xiaʼan‑ña xa n‑xaxi ñayiu xyuku ijan.
N‑ndadavaʼa Jesús kueʼe ñayiu
40 Nɨni juan keé ngandii,
xndeka ñayiu ñuu ijan ñayiu ka tnaʼa nudɨɨn kueʼe n‑ka xee nuu‑ia.
N‑xajan ndodo‑ia ndaʼa‑ia‑i,
te n‑ndadavaʼa‑ia‑i ntdaa‑i.
41 Dɨuni n‑ka kee ñaʼa kueʼe xaloko.
Xee ka kana‑i.
Ka xiaʼan‑i nuu‑ia:
—Mee‑n kuu Daʼya Yɨɨ Ianyuux.
Te n‑kudeen‑ia nuu‑i.
Xaxeʼe xa naʼa mee‑ia xa xnaʼa xaloko jan xa mee‑ia kuu Cristu,
n‑taʼu tniu‑ia xa maxku jaʼan koio‑i xijan.
N‑dakuaʼa Jesús tnuʼu Ianyuux ñayiu distrito Galilea
42 N‑tuu kɨu kuu uu,
te n‑kee‑ia.
Juaʼan‑ia ɨɨn nuu ñatu nga juun dau,
te ñayo io.
N‑ka nanduku ñaʼa ñayiu,
te n‑ka naniʼi ñaʼa‑i.
N‑ka juini‑i xa na ndoo ka‑ia ijan,
te maxku ndee ni‑ia.
43 N‑jaʼan‑ia nuu‑i:
—Io xa jɨʼɨn‑r ɨnka ntuku ñuu xa jaʼan‑r nuu ñayiu ijan nax io xa kada‑i xa kɨu tnaʼa‑i nuu ñayiu ka jandixa xa taxnuni Ianyuux nuu‑i.
Xaxeʼe xaʼa n‑tundaʼa ñaʼa‑ia xa vaxi‑r —kuu‑ia,
xiaʼan‑ia.
44 Daa ni n‑dakuaʼa naʼi ka‑ia ñayiu n‑ka xo nataka xiti veñuʼu kuechi Israel.