Feni faguapaloaa neꞌiaa Peter fi dinaa aꞌa ei rawarawa narafaweꞌia. Fei paꞌaa baua warewarea wagina ba i hafududumaa ei sifisifi feroia ma ei mau fiharoharoipaꞌaia, ei noranamai aꞌa fei mau sifisifi feferoia.

Ma fapedupeduu ei, sifei ba ronei urofaa fei apaꞌaa mei Haidaa ma mei fasu Jesus Christ. Peter namina naranara watauda wagii fei feroiaa ei rona ware ba Christ lomi i hadiweꞌimai. Ina ware ba fei i famadiaa Christ, sifei ba mei Haidaa lomi na nunuminaa nemea ba nei paꞌai maꞌuaa ronei momoꞌai aꞌa ei hafeloꞌaa roꞌou.