Feni rawarawa neꞌiaa John ba i aloia aꞌa hefiꞌa. Ina paꞌi guapalo paꞌafina. Fei ba i faꞌunuwenuweaa ei igoa ba ronei oafipui aꞌa mei Haidaa ma mei naꞌuna Jesus Christ. Ma fei ba roneiꞌaa neneraa fei sifisifi feroia, fei i fafeloaa fei oafipuiaa roꞌou.

Sifei fei sifisifi feroia ba ei manumanu wagii feni ano na hafelo ma siꞌei, Jesus mei naꞌuu mei Haidaa abaa paꞌaa ramaꞌa. Ana rona feroi ba fei telaꞌana abaa manumanuu rawaniꞌa bigiꞌa o haguaa hefiꞌa.

Maꞌuaa John na fadugeaa ei feroia ei i faꞌarewaia ba Jesus Christ paꞌaa ramaꞌa ma minaa ei rona narafaweꞌi aꞌana ma haguaa mei Haidaa, ana ronei fihagui.