Feni rawarawa neꞌiaa Peter fi dinaa aꞌa ei narafaweꞌia, ei rafeiaa mei Haidaa ma na faꞌunuwenuweaa ei roi tonaa ei haperaraia ma fiꞌia uaa fei narafaweꞌiaa roꞌou. Ba i faꞌoꞌonainaa unuu roꞌou, ina fanonominaa roꞌou fei rawaniꞌa wareaa Jesus Christ wagii fei maꞌeana, asiꞌanana ma faꞌunaiana ba i hadiweꞌimai.

Wagii fei, ronei toꞌuaiaa ei fiꞌiaa roꞌou, apitai wagina ma oꞌugi ua ba fei, fi maniaa ei narafaweꞌiaa roꞌou ma aꞌa fei arewaa na nomai Jesus Christ, i paꞌi ponoꞌaa roꞌou.

Wagii fei au hafelo, mei neꞌia na faꞌunuwenuweaa naranaraa roꞌou ma iꞌiginaa roꞌou ba ronei gutaguta aleꞌei maroaa Christ.