Feni neꞌiaa Paul fi dinaa aꞌa fei losuu yei Colossae i ana halo i Ephesus. Fei losuu yei abaa faꞌasiꞌanana maꞌuaa ina neꞌinia uaa na paꞌi hefiꞌa sifisifi feroia i laloo fei losuu yei. Rona feroi ba nabaa rona nunumiai ba ro apaꞌaa mei Haidaa ma tonaa fei teleꞌana, ronei losuinaa ei famamoaa ei spiriti mawe ei paniaa pani i haroo pafea. Ma ana ronei moroꞌaa hudii wawanei ma neneraa ei maumau hanaiaa duꞌua.

Paul na fadugeaa ei feroia ei wagii fei uꞌugaa Christ, mei paꞌaa Telaꞌana. Uaa, i aꞌana mei Haidaa na famamaraa feni ano ma ana na fahadiweꞌinaa feni ano aꞌana. Uniaa fei fihupiꞌia aꞌa Christ i fatelaꞌanaa feni ano.

Tychicus mei i fanaa fei neꞌia aꞌa ei Colossae ma Onesimus mei humuwa na aunuhugia, mei i warewareia fei neꞌiaa Paul aꞌa Philemon.