Feni neꞌiaa Paul fi dinaa aꞌa fei rawarawa losuu fei faꞌasiꞌanana i Philippi. Eni i neꞌinaa feni, neꞌiana ei hia yei humuu boboꞌaia uaa ina guainia ba hefiꞌa rona feroinaa fei sifisifi feroia laloo fei losuu i Philippi.

Fei paꞌafii fei neꞌiana ba i ware ‘ta’ aꞌa ei losuia i Philippi wagii ei fanaa roꞌou ba haduhaduna ei i gutafafelo i boboꞌaia ma ba ana i farawaninaa naranaraa roꞌou ba ronei lauguꞌai ma oꞌugi ua wagii ei awataa rona paꞌi.

Ana fi fanonominaa roꞌou ba fei fihupiꞌiaa roꞌou aꞌa Christ, hepalo fanaa mei Haidaa fei rawaniꞌana, fei roꞌaa tonia wagii fei narafaweꞌia ma abaa fei neneraa roꞌou fei mau bigiꞌaa ei Jew wagii fei law.

Feni neꞌia fi wareaa fei niꞌeniꞌea, lauguꞌa, fihupiꞌia ma ofasisia wagii ei narafaweꞌia ma fei gutanaa roꞌou. Ana fi famaꞌaiaa fei haguaa Paul fei losuu i Philippi.