Feni neꞌiaa Paul aꞌa ei Ephesus fi warewareaa fei doꞌo naraa mei Haidaa, fei ba i figupuinaa minaa ei famamarana i haroo pafea ma yeni malagufu ma Christ hia tabaa roꞌou.

Ei rawarawa lamii feni buꞌu ina famaꞌaia ba i aꞌa Christ, mei Haidaa, mei Ama na fihupiꞌinaa ei rafeiana gufuna, futoaa ei hafeloꞌaa roꞌou ma alaraa roꞌou panii fei hafeloꞌa.

Odumanu warehanunuia na famaꞌaia ba aꞌa Christ na paꞌi fihupuꞌia aꞌa ei ramaꞌaa gufuu mei Haidaa. Ei losuu aleꞌei paꞌafii fei unu ma Christ fei taba, o ei finefinee hepalo humu, o aleꞌei mei pifine haroo lalaia ma Christ hia harona. Minaa ei na faꞌarewaiaa fei haguaa Christ, fei maꞌeana uaa ei hafeloꞌa, fei rawaniꞌana ma fei fafaꞌaraiana.