Fei rawaniꞌa wareaa Jesus nawemina tale aꞌa ei abaa Jew. Maꞌuaa hefiꞌa, rona ware ba ronei neneraa fei law nabaa roꞌaa paꞌaa oa aꞌa Christ. Paul na ware ba abaa baua manumanu fei, uaa fei harenua o tonia wagii fei narafaweiꞌia aꞌa Christ.

Siꞌei i neꞌinaa aꞌa ei Galatia ba i fahadiweꞌinaa ei rona diꞌininaa fei narafaweꞌia, fei na faꞌuai. Ina harea ba hia paꞌaa apostle Christ uaa na rafeinia mei Haidaa ma abaa wagii ei foraforaa ramaꞌa.

Ana ina harea ba wagii fei narafaweꞌia ua, roꞌaa wanewane aꞌa mei Haidaa. Inadii fapoꞌinia ba fei haguaa ei narafaweꞌia noranamai wagii fei narafaweꞌia aꞌa Christ.