Feni faguapaloaa neꞌia aꞌa ei Corinth, Paul na neꞌinia aꞌa fei au pidawaia pafoo ei losuia yei. Hefiꞌa roꞌou, rona ware ba Paul na tata, maꞌuaa ina famaꞌaiaa fei baua nunumiana ba roꞌaa fifawanewanei ma namina rata fei niꞌeniꞌeana ei roꞌaa bigiꞌia.

Doꞌofamaꞌa, Paul fi uꞌugaa fei paꞌafii fei sibana wagii fei rawarawa neꞌiana ma fei niꞌeniꞌeana ba rona filogii naranaraa roꞌou.

Ina iꞌiginaa fei losuu ba ronei fani fanaa roꞌou aꞌa ei narafaweꞌia yei Judea, ei lomi rona paꞌi. Ana na fiharei aꞌa ei ro ware ba roꞌou paꞌaa apostle, ei rona ware ba Paul abaa paꞌaa apostle.