Paul na doꞌo faꞌasiꞌanaa fei losuu yei Thessalonica nenee i diꞌininaa Philippi. Hefiꞌa Jew yei rona punepune aꞌana ma tetefaꞌasiꞌania uaa ba na bigipaꞌi fei uꞌugana Christ aꞌa ei abaa Jew. Siꞌei, na dinaa Berea. Ma nenee iꞌa nopaꞌaloo Corinth, mei tafina Timothy, mei ana rafirafina wagii fei bigiꞌa, na uꞌufania tamanu na asiꞌaa laloo fei losuu yei Thessalonica.

Feni rawarawa neꞌiaa Paul ba i faꞌunuwenuweaa ei narafaweꞌia yei. Ina neꞌi ‘ta’ aꞌa roꞌou wagii fei hagua ma weꞌiaa naranaraa roꞌou. Ina warewareaa ei iꞌigaia wagii fei hadiweꞌiamii Christ. Na ware ba ronei bigiꞌualao ma omaꞌa fininaa oꞌonaia unu fei hadiweꞌiamii Christ.