Nag̓apaamanan Ni Pablo Tanira Ang Muya Sakaën Nira Yang Mga Israel Atiing Tukaw Namagtuu Tung Bëlag̓an Matuud Ang Dios (10:1-13)
10
Ay kipurki,
mga putulu,
gustuung gustung magpadëmdëm tung numyu natëtëngëd tung nagkainabu tung mga kinaampu yamën ang mga Israel atiing tukaw ang indi ra namagsuspindi tung mga kalëlyag̓an nira ag̓ad atii kanay yay mga kinasakpan yang Dios ang katulad ka tung numyu simanyan.
Atiing pagpalua yang Dios tung nira duun tung Egipto,
tanirang tanan naulungan ta sasang unum ang yay tininiran yang Dios ang nagmangulu tung niraa.
Tanira kang tanan nangapanaw tung dalan ang atiing binuat yang Dios tung kakngaan yang pag̓aningën ang Tëëb ang Mapula ang asta nangapatindakb.
2 Dispuis tung pagpanunut nira tung panganud ang atii may tung pagparanawën nira tung tëëb ang atii,
tanira kang tanan,
kuinta nangabënyag̓an da.
Bilang duun da nga bistu ang tanira pamagpamangulu ra tung ni Moises.
3 Dispuis tanira kang tanan parariu kang nangapamangan yang palanganën ang atiing makabëw̓ërëng ang pag̓aningën nirang mana ang ya kay isinimpan yang Dios para tung nira ëkël tung kagaëman nac.
4 Ig tanira kang tanan parariu kang nangapanginëm yang waing atiing ipinakdul yang Dios tung nirang duru kag kabëw̓ërëng ang duun liit tung mga batung padir ang pinapagtuw̓uran nad.
Ay ya pa ag̓ari,
may sasang ipinanunut yang Dios tung nira ang yang kaalimbawaan na yay maning pa tung batung atiang pinanginëman nirang tanan.
Anday dumang nag̓ianingung naa,
kung indi,
ya ra yang pag̓aningën ang Cristo mismu atiing tanya indi pa nag̓ingtau tung kaliw̓utan.
5 Ag̓ad pinaitaan da yang Dios ta kanëëman nang maning ka man tiing durung pisan agkatinlu,
piru yang kadaklan tung nira nasilag̓an na ra ka ëngëd.
Ya ray natëngëran na ang imbis mangapaklëd tung banwang atiing nag̓ibaratu na ra rin tung nira,
indi ra,
kung indi,
amat-amat da ilëm ang nagkarapatay ang yang mga tinanguni nira namalakad-balakad da ilëm duun tung banwang atiing pinagpalag̓u-lag̓uan nirae.
6 Numanyan yang nagkarainabung atii,
ya ray pangkëlan ta ta basian ang dapat ang pangamanan ta ug̓ud asanita ra nga plëkay ta kursunada tang magbuat ta mga malalain ang katulad ka tung nakursunadaan nira.
7 Yang gustuu ëngëd ang ianing tia,
indiamu ëngëd magtuu tung mga dios-dios ang atiang nag̓atutuuan ta mga tau ang katulad ka tung binuat yang duma tung nira.
Ay yang pagturuuën nirang atii tung mga bultu nasambit ka tung kasulatan ang mag̓aning,
“Nangarung-karung da yang mga tau tung paliw̓ut yang bultu ang para pagsararuan da nira yang karni yang mga ayëp ang atiang ipinadasag nirang isinag̓ud tung anya ang nunut da ka ta pag̓irinëman nira.
Pagkatapus dayun dang namagkërërëngan ang para mamagtaralëkan dang mamagpakasadya ang durung pisan agkalalaway yang nagkarabuat nirang laliig baw̓ay,”
ag̓aaningf.
8 Indiamu ra ka mangumbaw̓ay ang pariu ka tung binuat yang duma tung nira ang pagkatapus anday dumang pinakaw̓ut na,
kung indi,
tung sëlëd ilëm sang kaldaw,
may mga duruang puluk may tulung liw̓u nga tauan (23,000) ang namagkaraktang da ilëm tung kindëngan nirag.
9 Indiamu ra ka magtag̓am ta pagtuung tung pag̓aningën ang Cristo kung unu pay katëgkaan yang pagpararurusun na tung numyu ang katulad ka tung binuat yang duma tung nira ang pagkatapus anday dumang dinangat na,
nagkarapatay ra ilëm tung pakëg̓ët tung mga iraw ang madaralith.
10 Indiamu ra ka magtag̓am ta burutung-butungun ang katulad ka tung binuat yang duma tung nira tung ni Moises may tung Dios ang pagkatapus yang dinangat na,
pinampaimatay ra ka ilëm yang Dios tung sasang angil ang manigpangimatayi.
11 Taa numanyan yang mga bag̓ay ang atiang nagkarainabu tung nira atii kanay,
pulus pangkëlan ta ta basian.
Ipinagpasulat nganing yang Dios ug̓ud ta yatën ang lug̓ud da tung panguring panimpu,
ya ray pag̓isipan tang pangamanan ang para indiita ra mausuy tung nirang magbuat ka ta makalalain ta isip yang Dios.
12 Kapurisu kung ay pa tiing pagtalig̓ita ang mabakëd da tiing paniël-tiël ta,
asanita ra ka mangaman ta mupia ay muya asanita ra ka nga lagpak.
13 Yang dapat ang dëmdëmën mi asan,
anday sukda ubin tuksu ang suminampi tung numyu ang indi ya kang lag̓i ay pagpasar tung mga masigkatau mi.
Yadwa pa,
yang Dios talagang yay matalig̓an ming indiamu ilug̓ut nang masampëtan ta sukda ubin tuksu ang yang këtël na subra tung masarangan ming mapanguntiëlan,
kung indi,
kung masampëtanamu ra nganing,
atiang lag̓i paktëlënamu ra ka anyang manguntiël ug̓ud asanamu ra nga puklut tung tuksu.
Yang Pagpaaman Ni Pablo Tung Nira Ang Indi Ëngëd Mamagtuu Tung Mga Dimunyu Ëkël Tung Pagpakigsadu Nira Tung Nag̓ipagsag̓ud Yang Duma Tung Mga Bultu (10:14-22)
14 Kapurisu mga putulung nag̓agëgmaanu,
kumus maning da tia yang pinangakuan yang Dios tung numyu,
ya ra ka man tia ay ipaglikay ming ipagpaalawid tung pagturuuën tung mga ginuu-ginuung atiang nag̓intindiën yang duma asan.
15 Sanu pa indiamu aningënu ay kipurki nag̓askëanu ang yamuy mga taung nag̓aintindi.
Purisu timbang-timbangën mi tung mga isip mi kung bëlag̓an tama yang ianingung naa.
16 Tung pagdërëmdëmën ta tung pagpakugmatay ni Ginuu ta,
kung manginëmita ra nganing yang igmën ang atiang nag̓apasalamatan ta tung Dios,
bëlag ba ang asanita rag pagpailala ang ita lug̓ud da tung pinakaw̓ut yang pagpaturuk ni Ginuu ta yang dug̓u na?
Pati yang tinapay ang atiang pagpiringas-pingasan ta,
kung panganën ta ra nganing,
bëlag ba ang asanita ra kag pagpailala ang ita lug̓ud da tung linuaan yang pagpakugmatay na?
17 Dispuis pa,
kumus sam bilug ilëm yang tinapay ang atia,
ig disir,
maskin dakëlëitang pamangan,
asanita rag pagpailala ang ita maning pa tung sa nga tinangunian da ilëm gatëd sam bilug ilëm yang tinapay ang pagtërënak-tënakan ta.
18 Tëlëngan mi ra ilëm yang dating pagturuuën tung Dios yang nasyun yamën ang mga Israel.
Kung may sasang taung magpadasag tung sasang ayëp nang para iintriga ra tung Dios,
bilang may gustu nang pasalamatan tung Dios,
bëlag ba ang kumpurming tinu pay magpakigsaru tung karni yang ayëp ang atia,
asan dag pagpailala ang tanya pagpakituu ra ka tung Diosj?
19 Yang gustuung ianing tia w̓asu ang yang mga bultung atiang pag̓atutuuan yang duma asan,
may pagkadios nirang matuud pati yang nag̓isag̓ud tung nira may kapulutan na?
Abëë,
bëlag kak!
20 Kung indi,
yang gustuung ianing tia,
yang nag̓ipadasag yang mga kaarumanan ming bëlag̓an mga tumatalig tung mga bultung pag̓atutuuan nira,
bëlag̓an sasang ginuu-ginuu yang magsag̓urun nira ang katulad ka tung pag̓alaum nira,
kung indi,
ya ra yang mga dimunyu mismung pamag̓ërëkëlën tung pagturuuën nirang atial.
Ig anda ëngëd ang pisan ay gustuu ang yamu magpakituu asan tung mga dimunyung atiang nag̓asasag̓ud nira.
21 Indi ra ka ëngëd ang pisan magkabag̓ay ang magpakiinëmamu tung igmën ang atiang pagpadëmdëm tung dug̓u ni Ginuu ta ang pagkatapus magpakinëmamu si pa ka ëngëd tung igmën ang atiang nag̓isag̓ud tung mga dimunyu.
Indi ra ka ëngëd ang pisan magkatunuan ang magpakigsaruamung magdërëmdëmën tung pagpakugmatay ni Ginuu ta ang pagkatapus yang nag̓isag̓ud tung mga dimunyu ya si ka ëngëd ay nag̓apadayunan ming pakigsaruanm.
22 U papangimunun ta ra ilëm basu ti Ginuu ta?
Ayw̓a,
mas pang mapuirsaita kay tung anya ang indiita ra dangatën yang kasisilag̓ën nan?
Yang Nag̓ipaëtad Ni Pablo Natëtëngëd Tung Pagpakignunut Nira Tung Maskin Unu Pang Klasiay Ta Mga Tau Ang Dapat Anda Ëngëd Ay Mabuat Nirang Pagmalaganaan Yang Mga Kinaisipan Nira (10:23–11:1)
23 Kung tung bag̓ay,
tama ka rin yang katadlëngan ta duma may ruma asan ang yang tanan unung bag̓ay ag̓ilug̓ut da yang Dios tung yatën ang mga tumatalig.
Piru bëlag̓an ang mag̓aning ang yang tanan ang nag̓alëlyag̓an tang buatën may ikaayën ta asan ubin ikaayën yang mga aruman ta.
Ëë,
puidiita kang magbuat ta maskin unu pay nag̓alëlyag̓an tang buatën,
piru bëlag̓an ang mag̓aning ang yang tanan ang bag̓ay may taw̓ang na tung pagpurutulan ta tung ni Ginuu ta.
24 Yang dapat ang intindiën tang asikasuën bëlag̓an ilëm yang sadiling ikaayën ta,
kung indi,
mas pa yang ikaayën yang mga aruman ta.
25 Maskin unu pang karniay ang nag̓ipaalang tung palingki,
liw̓ianuamu rang magsëra.
Anday ministir ang magtalimaanamu pa kung isinag̓ud da tung mga bultu u kung anda.
Tutal anday kumbini asan.
26 Ay kipurki padëmdëman mi ra ilëm yang sasang bitalang napabtang tung kasulatan ang ti Yawi unu yay may anya tung intirung kaliw̓utan may tung tanan ang mga bëtang nao.
27 Dispuis,
kung may sasang bëlag̓an tumatalig ang pag̓imbitar tung numyung magpakigsaru duun tung pamalay-w̓alay na,
ig may kalëlyag̓an mi kang mag̓angay,
maskin unu pay ipapaan na tung numyu,
panganën mi ra ilëm.
Anday ministir ang magtalimaanamu pa natëtëngëd tung karning nag̓ipasëra na kung unu pay natëngëran na,
ay anda ray kumbini tia.
28 Ug̓aring ilëm kung alimbawa,
alas-alasanamu ra ta sasang kasadu mi asan ang yang karning atiang nag̓ipasëra tung numyu,
karni ta sasang ayëp ang idinasag sigun tung pagturuuën tung sasang dios-dios duun tung pagtuuan tung anya,
tay puis,
indi mi ra ilëm padayunan ang sëraën,
maskin nag̓askëan ming pamangan ka ilëm ang anda ray kumbini tung numyu.
Yang indi mi ipagsëra tia ay alang-alang da ilëm tung kasadu ming atiang nagpaskë ig natëtëngëd yay puiding pagliw̓ag̓an ta isip na.
29 Yang gustuung ianing tia bëlag̓an yang numyung isip ay magliwag,
kung indi,
yang anya.
Kung alimbawa,
imbitarënaw kang magpakigsaru tung maning tia ang anday mag̓alas-alas tung yëën natëtëngëd tung karni,
panganënu ra ilëm yang kumpurming ipasëra tung yëën.
Ay kipurki yang pagkaliw̓ianuung mamangan dapat ang indi ra ipagpakusalak tung yëën yang duma ang pagtakling pap.
30 Kung yuu magpakipangan da yang sërang atia ang nunut da ka ta pagpasalamatu tung Dios ang yay pag̓lug̓ut,
dapat ang yang nag̓apasalamatanung atia tung anya indi ra padatëlan ta ipagliw̓ak ta duma tung yëën ang yuu unu nagbuat ta kasalanan buat!
31 Buinu,
kung papagbilug̓unu ra yang gustuung ianing tung sam bulus ang atiaq,
maskin mamangamu ubin manginëmamu ubin maskin unu pay buatën mi,
luw̓us ang ëklan mi tung ikadëngëg yang Dios.
32 Bilang yang pagpakignunut mi tung maskin unu pang klasiay ta tau mag̓ing mga Judio man,
mag̓ing bëlag̓an man mga Judio,
mag̓ing mga kaarumanan mi man ang mga tumatalig ka ang ya ra ka man ay ultimung mga kinasakpan yang Dios,
ëklan mi tung matinlu ug̓ud anda ëngëd ay mabuat ming pagmalaganaan yang mga kinaisipan nira tung kamatuuran ang naang gustu ta rin ang intindiën nira.
33 Usuyun mi yang muliduu,
ay ta yëën,
yang pag̓asikaru tung tanan ang pag̓abuatu ang luw̓us yay mauyunan yang maskin unu pang klasiay ta tau.
Indiaw pagsikad yang sadiling ikaayënu,
kung indi,
yang ikaayën yang kadaklan ang basi pa ra ilëm asan da ngaëklayu yang mga kinaisipan nirang magtalig tung ni Ginuung Jesus ang magpatapnay.