Nag̓ipananglit Ni Jesus Yang Sadili Na Tung Kapungul Ang Yang Mga Taung Nag̓apangugyatan Na Maning Pa Tung Mga Sanga-sanga Na (15:1-17)
15
Simanyan mag̓aning ti Jesus ang nagsugpat tung yamën,
“Yuu yang kaalimbawaanu maning pa tung kapungul yang sasang luak.
Kung yang sasang kapungul yay pagpaktël tung mga sanga-sanga na,
yuu mas pang pagpaktël tung mga taung nag̓apangugyatanua.
Dispuis,
ti Ama,
yang kaalimbawaan na maning pa tung yay manig̓asikasu tung luak ang naa.
2 Yang mga sanga-sangang kumpurming indi pamurak,
ya ray pukisën na ig yang kumpurming pamurak ya ray nag̓alimpiuan nang nag̓aëtëpan ug̓ud mas pang manggalët yang pamurak nab.
The Vine and the branches (Juan 15:1-17)
3 Yamu kuintaamu ra ka ta naëtëpanamu ra natëtëngëd tung bitalang ipinagpakaw̓utu tung numyu ang ya ra kay nag̓apanangëd mic.
4 Magpakigkapulitamung pirmi tung yëën ig yuu magpakigkapulit ka tung numyu.
Katulad ka tung sanga-sanga ang indi nganing maimung mamurak kung indi dumayun yang pagkatënëng na tung kapungul na,
indiamu ra ka maimung magpalua ta nag̓auyunan yang Dios kung indiamu magpakigkapulit tung yëën.
5 “Yuu maning pa tung kapungul,
yamu maning pa tung mga sanga-sanga.
Kung tinu pay magpadayun tung pagpakapulit na tung yëën ig yuu kay magpadayun tung pagpakapulitu tung anya,
yay durung mapalua nang nag̓auyunan yang Dios.
Kipurki kung bëlag tung yëën ang pagpaktël tung numyu,
indiamu ëngëd masarang ang magpalua ta nag̓auyunan yang Dios may gësyë.
6 Kung tinu pay indi ra magpadayun tung pagpakapulit na tung yëën,
iplëk da ilëm ang katulad ka tung sasang sanga-sangang indi pamurak ang pagkatapus pinukis da yang manig̓asikasung ipinlëk ang asta nalangu ra ka ilëm.
Pagkatapus pamisikën da ilëm ang sirukun tung apuy ay anda ra ka ilëm ay kuinta nirad.
7 Kung magpadayunamu tung pagpakigkapulit mi tung yëën ig yang mga bitalaw pirming nag̓ipabalay mi tung mga isip mi,
kung unu pay nag̓alëlyag̓an mi,
ingalukun mi ra ilëm tung ni Ama.
Atia,
ipakdul na tung numyue.
8 Yang ikadëngëg ni Ama ang durung mapalua ming nag̓auyunan na ang asan da ka nga pruibaay ang yamu talagang mga tauanung pag̓usuy rang matuud tung yëën.
9 Kung ya pa ag̓ari yang pagmamaalën ni Ama tung yëën,
ta yëën,
maning ka tia yang pagmamaalënu tung numyu.
Idayun mi yang pagpakigkapulit mi tung yëën ug̓ud pirming mamalamaran mi kung unu pay kantidad yang pagmamaalënu tung numyu.
10 Yang pagpakigkapulit mi tung yëën,
asan ipapanaway mi tung pagturumanën mi yang nag̓ipanuw̓ulu tung numyu.
Asan da ngaispirinsiaay mi yang pagmamaalënu tung numyu kung unu pag katinlu ang katulad ka tung yëën ang pagtumanaw ka yang nag̓ipanuw̓ul ni Ama tung yëën ang asan da ka ngaispirinsiaayu yang kantidad yang pagmamaalën na tung yëën.
11 “Nag̓aningënamu ra yëën ta maning tia ay ug̓ud yang kasadyaanung pagtuman yang nag̓ituw̓ul ni Ama tung yëën,
ya kay kasadyaan ming pagtuman yang nag̓ipanuw̓ulu tung numyu ang anda ray magdëëg tung kasadyaan ming atia.
12 Ya ra taa yang nag̓ituw̓ulu ëngëd tung numyu ang maggërëgmaanamung pirmi ang katulad ka tung paggëgmaw tung numyu.
13 Anday gëgmang lumandaw pa tung gëgma yang sasang taung maskin ipirinda na pa yang linawa na alang-alang da ilëm tung mga ungkuy na.
14 Yamu ray magkaw̓ig̓ënung mga ungkuyu kung magtumanamu yang kumpurming nag̓ituw̓ulu tung numyu.
15 Numanyan indiamu ra nag̓ipabtangung mga turuw̓ulunu ay natëtëngëd yang sasang turuw̓ulun anday kaliw̓utan na kung unu pay nag̓aplanu yang ag̓alën na.
Kung indi,
ta yamu,
ag̓aningënamu ra nganing yëën ang mga ungkuyu natëtëngëd yang kumpurming nagngëlu tung ni Ama,
luw̓us dang ipinagpakdëku tung numyu.
16 Bëlag yamuy nagpilik tung yëën,
ang indi,
yuuy nagpamilik tung numyu ig pinanuldukamu ra ka yëën ang para magpanawamu rang magpalua ta nag̓auyunan yang Dios ang indi ëngëd magdisparatis ang asta tung sampa.
Kung yang maning tia yay ipalua mi,
ig disir,
kung unu pay ingalukun mi tung ni Ama natëtëngëd tung pagkinapulitay ta,
ipakdul na tung numyu.
17 Kapurisu yang nag̓ituw̓ulu ëngëd tung numyu ay maggërëgmaanamu.
Nag̓apaamanan Ni Jesus Ang Lag̓i Yang Mga Taung Nag̓apangugyatan Na Ang Tanira Kuntraën Ta Mupia Yang Mga Bëlag̓an Mga Tumatalig (15:18–16:4a)
18 “Kung yang mga taung bëlag̓an mga tumatalig tung yëën,
yay pagkuntra tung numyu arangan da ilëm tung yëën,
indiamu ra ilëm mabërëng.
Ay nag̓akdëkan mi ra ka ang yuuy tukaw ang kinuntra nira.
Jesus warns about persecution (Juan 15:18–16:4)
19 Maayën kung pagsaranyug̓anamu pa yang mga taung atia,
ay magëgmaanamu pa rin nira.
Piru simanyan natëtëngëd pinagpilikamu ra yëën ang pinagpinig tung nira,
ya ray ipagkuntra nira tung numyu.
20 Dëmdëmën mi yang inaningu tung numyu ta nungayna ang yang sasang kirëpën bëlag̓an landaw tung ag̓alën naf.
Kapurisu kung yuung ag̓alën mi nag̓adëëg-dëëg̓ënaw ra nganing nira,
pati bitalaw indi ra ka nganing nag̓apauyunan nira,
asta yamung nag̓apangugyatanu,
dëëg-dëëg̓anamu ra ka nira,
asta bitala mi indi ra ka pauyunan nira.
21 Yang tanan ang atia,
ya ray buatën nira tung numyu arangan da ilëm tung yëën ang may anya tung numyu.
Ay ya pa ag̓ari,
indi nganing nag̓ailala nira yang nagtuw̓ul tung yëën.
22 “Kung alimbawa indiaw ilëm nag̓angay taang nagparakaw̓utun yang bitala yang Dios tung nira,
intunsis anda ka rin ay kasalanan ang panuw̓alan nirang namagpakuindi tung yëën.
Piru simanyan kumus pinagpasanag̓anu ra,
anda ray mabitala nirang indi nira nakdëkan ang kasalanan yang pagpakuindi nirang atia tung yëën.
23 Kapurisu kung tinu pay pagkuntra tung yëën,
nag̓akuntra na ka ti Ama.
24 Kung alimbawa,
indiaw nagpaita tung nira yang mga pruibang makabëw̓ërëng ang indi pa nag̓apalua ta duma,
intunsis anda ka rin ay kasalanan nirang pamagkuntra tung yëën.
Piru simanyan naita ra ngani nira yang mga pruibang atiang binuat-buatanu,
piru bëlag ya mamagpauyun,
ya mamagkuntra tung yamën ni Ama.
25 Ug̓aring tung pag̓abuat nirang atia,
asan da nagkamatuud yang sasang napabtang tung kasulatan ang yay nag̓ipagpabug̓al nirang sag̓ad unu nira ang maning taa yang palaksu na:
‘Yang pagkuruntraën nira tung yëën,
ëngëd tung kinaisipan nira ang andang pisan ay nag̓apatiëlan nirang magkatama,’
mag̓aningg.
26 “Simanyan kung magbalikaw ra nganing tung ni Ama,
paangayanamu ra yëën tung manigpadag̓ën-dag̓ën ang atiang nasakuyanu nungayna.
Ya ra yang Espiritu Santong magparasanag̓ën tung mga painu-inu mi ang para magkaratultulan mi ta mupia yang tamang pag̓irintindiën tung Dios.
Kumaw̓ut da nganing tanya,
ya ray magpaingmatuud tung mga tau taa tung kaliw̓utan yang natëtëngëd tung yëën.
27 Asta yamu,
magpaingmatuuramu ra ka natëtëngëd tung yëën,
ay natëtëngëd disti pa tung primiru pagnurunutanita ra kang pirmi.