Siti nin surat ket sinurat naya ni Santiago a busat na ni Jesu-Cristo tan saya yan pangulo ran mammemper intaw sa Jerusalem. Sa angan-angan ket sinurat nayayti sin baꞌyo A.D. 50. Surat nayayti para konran mammemper nin Judio nin pinai-paidap tan napala-palakwan nin nako sa nagsikabarang nin lulugar. Manꞌiyakay na ni Santiago konra no paꞌno a matkap nin pigagawaꞌ ra. Wana ket kasan kakanaan nin pagmamatalek nan sayay tawo konan Dios no amboꞌ nin matunong a pigagawaꞌ na. No peteg nin mampagmatalek ya konan Dios, matkap nin maꞌkit ti sa gawaꞌ na.

Nagsikabarang nin tima a nisurat nadti ni Santiago konan sitin surat a bilang say maipaꞌkaꞌ sa pakasubok tan pakatukso, pamipuruk-purok, pammemper tan mabistan gawaꞌ, say pagdadangkaꞌ sa pagꞌiirgo, kadunungan a ibat konan Dios, puon nin pisasangkinian ran mammemper, saray maidap tan mayaman, anos tan pangingitpel sa pakapai-paidap, kadadasal, tan raruma et.