Sin sinurat nayayti ni Pablo si ikarwan surat na kona ni Timoteo, itaw yaynan naꞌteng nin mangkapriso sa Roma banaꞌ anaod ta manꞌipatandaꞌ nayay Mabistan Patandaꞌ na ni Jesu-Cristo. No maipaꞌkaꞌ anamaet kona ni Timoteo, itaw ya et sin sain sa syudad nin Efeso nin mampangyakay konran mammemper itaw kona ni Jesu-Cristo.

Iti konan sitin surat, binibilin naya ni Pablo si Timoteo maipaꞌkaꞌ sa abaw a bubagay nin mamaksaw nin nakem nan umanos sa pangingipatandaꞌ na tan pangngawaꞌ na nin raruma et nin gugawaꞌ a nitalek nan Dios kona, mataman no main saray mamai-paidap kona tan sumubag sa uakay na.

Nipapanemtem na anamaet ni Pablo kona ni Timoteo, a saray tutawon wanran main nin pammemper ra baleꞌ say pigagawaꞌ ra ket abas, lalo et nin dumukaꞌ saraynan dumukaꞌ angga liꞌ sa awron isusubliꞌ na ni Cristo. Binibilin naya nin kadayꞌan nasaray wanin a tutawo. Nibaritaꞌ na anamaet a andiꞌ ya nin kidiskusyon si Timoteo sa kasa gapo nin kabalikasan tan kasan pikaꞌkaan para konan Dios, no kai edet, matkap nin pakandaen nan maong a gawaꞌ na sa panunumbok tan pangangakay nin tutuon akay a nangibwat konan Dios.