Sitin ikarwan surat na ni Pablo konran mammemper kona ni Cristo itaw sa syudad nin Tesalonica, nitaranaꞌ naya ni Pablo sa pakikisalamat konan Dios banaꞌ ta say pammemper tan adoꞌ ra ket mantumuluy-tuloy nin umalaki (1:3). Mantumuloy saran wanin mataman no abaw a pakapaidap, ket si Pablo, liwaliwawen nasara ta saytin kapapaꞌsar ra ket panunubok nan Dios nin pammemper ra tan amboꞌ nin panunusa konra (1:4,5).

Main nin sayadtaw sa Tesalonica a wana nin main nin surat a ibat kona ni Pablo, ket wanadtaw kano si Uunuren sinmubliꞌ yayna (2:2). Baleꞌ, pinau-pauꞌnawan nasara ni Pablo a iti sa dupong a andiꞌ sara nin paluko! Kai ya et nin sumubliꞌ a Uunuren angga nin si tawo nin pakaꞌkitan nin sarbaynan bakas nin kukasalanan, paipaꞌkit yayna (2:3).

Pinau-pauꞌnawan nasara et ni Pablo nin kadayꞌan rasaray matamlad (3:6-10) tan nibaritaꞌ na konran mammemper a tandaan rasara a kai nin sumunor sa nisurat na konan sitin surat.