Pilemona hanona hau apaꞌuana ha, ia hanona aꞌikakauma haukia Koloseai haukia niraonanakia. Pilemona hanona mai ena taꞌaraꞌi hauna, ia atana hana Onesimo. Onesimo hanona ebeau ꞌakaumana ena poki hauna herenai, ba eao aiara haeai ha aonai emiaho. Aiara weianai Paulo ohi tebaitabu ahi ba eraona kabe. Rani weianai Paulo hanona wapura ꞌekanai buonai Pilemona kipokia kateꞌabiꞌabi hanona epahihi. Ua buonai marere neiana ererena, ba Onesimo ebena, ia kehore keaꞌina keaoaina ena poki hauna kebena.

Marere neiana aonai, Paulo ehore Pilemona ebaꞌamena ena taꞌaraꞌi hauna keaꞌina mai aona namonai. Abomo ehina bena Onesimo hanona aba eraona kabe ena mauri Obiapaka ebena. Paulo mai aona ikoinai Pilemona enoina bariu rani neianai keaoaina aonai Onesimo keaparina ia uahoꞌabana tohana.