Marere
HEBERU
Haukia Herekiai
Puka Aona Irerena ꞌAbina
Puka neiana ererena hanona aꞌikakauma haukia baika kebarainakia weiakia ekia aꞌikakauma tihabona pokina maearima baika ia tebapoꞌonakia ba atetua aonai temiaho. Weiana buonai puka neiana ererena ekia aꞌikakauma kebataburana. Weiana Keriso ikupaianamo herenai etaina Tirama ena taeara tohakia kebaihanaka.
Puka neianai taba apaꞌuakia aihau robakia niahunakia. Koriꞌuaina hanona Iesu hanona Tirama nahuna tohana. Iesu hanopakai emiaho aonai, ia hanona puma boꞌona ehoainakia, mai haiara rarikia eaꞌinakia ba taeara weianai Tirama ehore Iesu hanona maearima ikoikiai ibaraikia hauna apaꞌuanai ebaona (2.10). Weiana paunai Iesu hanona mahabanai haukia mai aneru mai Mose etara haonakia. Ibaruana hanona Tirama kipona ehore Iesu eaꞌi taeana robe haunai keao banaibanai. Ia hanona robe hauna apaꞌuana kupai, ia hanona herenai etaina maearima ia tiaꞌikakauma tohana haukia kebamaurinakia. Mose ena hoahoa mai ena rauhubu robakia eahunakia. Weiana hanona Iesu taba ebabaina hauna aubaubana ꞌabana.
Puka neiana aonai Isaraela maearimakia ꞌuaikia haukia ekia aꞌikakauma orikia boꞌokia ṯemiaho (11), ba maearima ekia aꞌikakauma nibataburana. Orena hanona ia nibataburanakia weiana atetua taba taba katetabu ahinakia, ꞌa ia hanona ekia aꞌikakaumai katekori ꞌini keaomo ꞌariai. Ia mahakia hanona Iesu herenai kemiaho, ena taearai katekaꞌa, weiana puma mai haiara hanona ekia aꞌikakauma aꞌi kateaꞌi parena (12.1-12).
Puka Paipana Apaꞌuakia
a. Roba iahu: Keriso hanona Tirama ibawaira tinana. (1.1-3)
b. Keriso hanona aneru etara haonakia. (1.4–2.18)
c. Keriso hanona Mose mai Iosua etara haonakia. (3.1–4.13)
d. Keriso ena robe akana ena apaꞌua. (4.14–7.28)
e. Keriso ena ꞌabiꞌuai ena apaꞌua. (8.1–9.28)
f. Keriso ena baibeni akana ena apaꞌua. (10.1-39)
g. Aꞌikakauma hanona taba apaꞌuana. (11.1–12.29)
h. Bahiahi ꞌabina mai ꞌabi orekia. (13.1-25)