Tito hanona Iuda hauna ahaꞌi. ꞌA ia eraona kabe aonai, Paulo ebaraina ena iuhubeau akana aonai. Paulo ehore Tito hanona Krete kereibuanai ehabona, ia kehore aꞌikakauma haukia ihaꞌinikia akana kebabaina ꞌeka weianai.

Marere neiana aonai, ꞌabi koriꞌuaina hauna neiana. Kreta haukia ekia hoahoa hanona aꞌi tenamo harai (1.10-13). Paulo eꞌabi, aꞌikakauma haukia iꞌuaiaikia akana nenuatae aina hauna ena hoahoa hanona katenamo harai. Abomo maearima ibaꞌiobikia taearana Tito ehina bena, ihobona hau mai babiꞌe maearima ꞌaruꞌarukia mai taꞌaraꞌi haukia. Marere puanai hanona Paulo ehore Tito ehina bena hau mai babiꞌe kebaꞌiobinakia aokia katehamomo. Ia ha ha herekiai aka namokia katebabai mai maearima baika herekiai abomo. Ia hanona opuere ꞌabikia aꞌi katehina mai maearima baika kipokia aꞌi katebaiharatae.