Timoteo hanona Paulo eꞌabana pou namona akana tebabaina hauna. Ua buonai Paulo puka neiana ererena eao herena, taeara namokia robakia eahunakia mai ehina bena taeara weiakiai kekaꞌa rani ikoinai. Ia Timoteo ehina bena keaꞌikakauma tabura mai Iesu Keriso pouna namona keiroro aina rani ikoinai. Tirama ena ꞌabi kekaꞌai harainakia. Maearima katebahaiarana ꞌao puma katebena haukia paukiai aꞌi kekaiꞌau kaiꞌau. Ba ia hanona ketabura, Tirama aka ebena hauna kebabai haraina.

Ia hanona baiꞌoi ꞌabikia haeai haeai aiakia aꞌi kebahu ainakia, mai ekia raona aꞌi tenamo haukia herekiai kekapare, ꞌabi uahomakia tihore maearima tiaꞌi kiꞌanakia. Ia hanona Paulo ena miaho taearana keraona ꞌini haraina ba ia ua kemiaho aiho, pokina aꞌikakaumanai tetabura haukia ekia miaho taearana hanona weiana, baibuai katemiaho mai uahoꞌabakia aokia kateba namonakia abomo ekia puma katebuanakia.