2 Timoteo,

nahaꞌu kiꞌamu,

narere beniꞌo.

Nabahubaꞌari Tirama Hamaka mai Keriso Iesu aika eka Obiapaka ekia baraibarai apaꞌuana,

aokoꞌo,

mai baibua heremuai katemiaho.

3 Tirama namo ꞌabina nabena,

haeamona rani ikoinai eꞌu bahubaꞌari ai oi aꞌi nareaniꞌo rabi mai mararani aokiai.

Tirama weiana aoꞌu berona tohanai ia taꞌarana ṉaꞌi ihobona ꞌabaꞌabaꞌu ia taꞌarana teaꞌi ꞌabana.

4 Eꞌu kaꞌa aonai ohai hauna naraonana,

eꞌu nuatae maikoinai hanona paihaniꞌo,

ba paihaniꞌo raninai aoꞌu penamo wairai.

5 Emu aꞌikakauma tohana naraona ꞌinina,

aꞌikakauma weiana hanona ꞌuainai oi kupumu babiꞌena Loi mai hinamu Eunike temauriaina hauna,

bariu nabatohana oi aomuai abomo aꞌikakauma weiana nemiaho.

6 Ua buonai au oi nabaraonaniꞌo,

imaꞌu ahamuai ahaoꞌau abahubaꞌari aonai auba ena ibeni naiana Tirama ebeniꞌo hauna kobapaꞌuana akana kobabai taburana.

7 Pokina Tirama hanona taꞌu aubana aꞌi ebenaka,

ia hiabu,

raonaꞌau mai bakiro aubana ebenaka.

8 Ua buonai eka Obiapaka pouna ihinanai aꞌi kohaumaea mai Keriso paunai au nawapura hauna abomo aꞌi kohaumaeaina.

Tirama tabura ebenaka ihobonai hau haiara aokiai kahamiaho pou namona paunai.

9 Ia ehore aika ebamaurinaka abomo eaparinaka ena robe maearimakai kahaeao.

Weiana hanona taba ha hababaina paunai ahaꞌi,

ia ena raonaraona mai ena aokoꞌo hoana paunai.

Ena aokoꞌo hoana neiana hanona aba ꞌuainai hanopaka aꞌi erama baha aonai Keriso Iesu paunai ebenaka.

10 Ia bariu hanona aba ewaira tina harai Keriso Iesu ibamaurika hauna emai aonai.

Ia ehore ꞌari hiabuna ebapuana,

haeamona mauri banaibanai aꞌi kepua hauna taearana pou namonai ebawaira tinana.

11 Pou namona neiana paunai Tirama ehore etinaꞌanaꞌu,

kairoro iuhubeau hauꞌu ai kaeao abomo baꞌiobi hauꞌuai kaeao.

12 Weiana paunai au hanona ṉa ṉahau haiara aiho,

iamo aꞌi ṉahaumaea,

pokina au aꞌiobina tai naꞌikakaumana hauna abomo aꞌiobi haraina au ia herenai ahorotina akana keꞌima haraina keao mo ena mai mue wapunai.

13 Au abaꞌiobiniꞌo ꞌabikia tohakiai taearanai kokaꞌa mai aꞌikakaumamu haeamona mai raonaꞌaumu Keriso Iesu aonai.

14 Taba namona ebeniꞌo oi emu ihaꞌini baꞌanai hauna Auba Robe weiana aika aokai nemiaho hauna ena baraibarai ai koꞌima haraina.

15 Aba oꞌiobina ꞌabaka Asia hanonai temai haukia ikoikiai tekamuri ainaꞌu tehabonaꞌu,

baiatakiai hanona Fugelo mai Heremogene ohi.

16 Obiapaka kehore ena aokoꞌoai Onesiforo mai ena itu haukia ikoikiai kebanamonakia,

pokina ia rani boꞌona aoꞌu ebataburana abomo tebirinaꞌu awapura hauna aꞌi ehaumaeaina.

17 Ia weia Romai ekaraꞌau raninai,

au etabunaꞌu etabunaꞌu eaomo etabu ahinaꞌu.

18 Nabahubaꞌari Obiapaka ia kebaraina ia hanona Obiapaka ena aokoꞌo ketabu ahina wapu weianai.

Abomo oi aba oꞌiobi haraina ia aea ebarai aihonaꞌu weia Epesoai.