Timoteo hanona aꞌikakauma hauna ꞌaruꞌaruna ha, ia hanona Paulo pou namona eiroro aina aonai eꞌabana tekaoao hauna (Iuhubeau 16.1-3). Weiana murinai, Timoteo hanona Tirama ena marea maearimakia Epesoai haukia iꞌuaiaikia haunai eao, ba Paulo puka neiana ererena herena eao.

Taba koriꞌuaina robana eahuna hauna neiana. Timoteo hanona keꞌima haraina, weiana maearima baika katehore baiꞌoiai maearima ekia aꞌikakauma aꞌi temebabehona marikina. Maearima neiakia tiraonana hanopaka neiana tabana ikoikiai hanona tekiꞌa. Ua buonai hau ha nenuataea kemiaho harai raninai, ia hanona aniani baika aꞌi keani abomo ia hanona aꞌi kehawainibe. Weiana ia kebaberona. Ibaruana hanona aꞌikakauma haukia iꞌimakia taearana namona mai ia ekia aka, maearima ihaꞌinikia akana kebabaina hauna mai ena hoahoa aea homakia hanona robana eahuna. ꞌAbi orena hanona Timoteo hanona kemiaho harai matoha Iesu Keriso ena aka hauna namona ꞌakina ꞌabana. Ba aꞌikakauma haukia haeai haeai herekiai abomo ua keaka harai aiho.