Tesalonika ai maearima boꞌona rani weianai hanona teraona raona kiꞌa baha Keriso ena mue mai hanona taba kerama. Maearima baika hanona teꞌabi Obiapaka ena rani hanona aba emai. Ua buonai Paulo marere neiana ererena maearima ekia aꞌikakauma kebaberona. Ia nehina benakia Obiapaka ena rani hanona aꞌi nikaraꞌau baha. Ba rani weiana aꞌi nimai baha hanona maearima boꞌona katehaia poꞌo, mai babai kiꞌa haeai haeai ikoikiai kateapaꞌua, haeamona rauhubu ikabena hanona kemai Keriso iꞌoatana apaꞌuanai keao.

Paulo ia nibataburanakia aꞌikakaumai katekori ꞌini harai, mai puma wairakiai tiropo haukia katekabanai harai. Ena nuatae hanona katetabura kiꞌa baha weiana kipokia kateꞌima harainakia, ihobona ia kipona neꞌima haraina mai ia kipokia tiaka haeamo haukia ꞌabakia. Weiana aka herenai aꞌi kateꞌabeꞌabe ꞌao aꞌi kateꞌaboro, haeamona maearima ibaraikiai aꞌi kateꞌaboro.