Tesalonika hanona aiara apaꞌuana ha Makedonia hanona aonai. Paulo Pilipo aiarana ehabona hanona eao Tesalonika, ba weia aꞌikakauma haukia toꞌuna ha ebakorina (Iuhubeau 17). Rani baika murikiai hanona Paulo eao Korinto aiaranai, ba Timoteo emai Paulo herenai ba taba aꞌikakauma haukia weia Tesalonikai haukia herekiai erama hauna robana eahuna. Paulo hanona Timoteo herenai pou eona aonai, terarua Sila kipokia puka neiana tererena, Tesalonika haukia ekia aꞌikakauma katebataburana.

Puka neiana aonai hanona Paulo niaonamo ekia aꞌikakauma paunai mai ekia hoahoa namokia paukiai. Matoha ia hanona Keriso aea kemue aiho hanona aꞌi teꞌiobina, abomo tenuatae kateꞌiobi haraina ꞌari haukia hanona aba teꞌari baihana ꞌao ahaꞌi, mai Keriso hanona aba emue ꞌao ahaꞌi, mai ia kipokia teraonanakia weiana ia hanona aba mauri banaibanai katetabu ahina ꞌao ahaꞌi, mai Keriso hanona aita kemai? Bakai bakai neiakia ꞌabikia ibamuekiai hanona Paulo ehina benakia rani ikoinai hoahoa namokia katebabai, mai katebaꞌoru Obiapaka ena mue mai wapuna kateꞌimana.