Kolose hanona aiara ha Asia hanonai, Epeso haukia herekiai. Paulo hanona aꞌi eao Kolose, iamo maearima baika euhunakia teao ꞌeka weianai teiroro, ba temai Koloseai. Paulo pou eona hanona maearima baika tenuatae ekia aꞌikakauma katebahaeaina, ua buonai puka neiana ererena kebakori ꞌininakia.

Ṉa ehinabe aihonakia, Keriso hanona taba ikoikiai ꞌarakiai hauna, mai ia ikupaiana mo kehore aika ikoikai kebamaurinaka. ꞌA taeara haeai baika hanona aꞌi kateba maurinaka, ia Keriso herenai kateberi parenaka. Pokina Keriso aonai hanona Tirama ehore taba ikoikiai ebaramanakia, haeamona Keriso ena aka ai hanona Tirama taba ikoikiai eaꞌi muenakia. Keriso hanona aika aokai nemiaho, ba aika nahamahamaha, mai nahanuatae Keriso ena hoahoa mai babai taikia kahatai. Paulo ehore puka neiana ererena, ba maearima rua ebenakia, Tukiko mai Onesimo, ba ia terarua teaoaina Kolose haukia tebenakia.