2 Aka kiꞌa haukia waeha ꞌabakia weiakia katoꞌima ꞌima harainakia titare ꞌabaeanakia haukia herekiai katoꞌima harainimi.

3 Ia aika hanona itare hauka tohaka,

aika Tirama nahakuti aina ena Auba Robeai,

Keriso Iesu nahapaina,

hauani ena hoahoa aꞌi naha aꞌikakaumanakia.

4 Au abomo hauani hoahoana iaꞌikakaumana aꞌiobina.

5 Au arama ꞌoruꞌoruꞌu ai wapu ꞌababani aonai tetarenaꞌu.

Isaraela maearimaꞌu,

Beniamina ena itubu hauꞌu,

Heberu hauꞌu tohaꞌu.

Iuda ekia rauhubu iꞌimanai au hanona Parisea hauꞌu.

6 Eꞌu tabura maikoina abakarahina Tirama ena marea haukia aꞌoatanakia.

Rauhubu aka bero iꞌimanai au hanona aꞌi abeho ꞌapua.

7 Iamo ꞌuainai namo tebenaꞌu tabakia bariu Keriso paunai kiꞌa obokia nahinanakia.

8 Neiakia mo ahaꞌi.

Taba ikoikiai au naraonanakia anikia ahaꞌi,

Keriso Iesu eꞌu Obiapaka kahaꞌiobi haraina hanona taba apaꞌuana.

Au taba ikoinai aneꞌenakia hamarai abaonakia pokina Keriso kaꞌina paunai,

9 ia aonai ketabu ahinaꞌu.

Au kipoꞌu rauhubu iaꞌinai bero ha aꞌi atabu ahina,

ia Keriso iaꞌikakaumanai.

Tirama kehore bero kebenaka iaꞌikakaumana paunai.

10 Au nanuatae Keriso kipona mai ena mikiri mue hiabuna kaꞌiobina,

mai ia ehaiara aina ihobona au abomo kaonobaina,

ena ꞌari taearanai au abomo kaꞌari.

11 Weianai au nabuabena ꞌari ai mikiri mue maurina kaꞌina.

12 Au aꞌi naꞌabi taba ikoinai aba aꞌina ꞌao aba abaore haraina.

Au nauꞌu ohona mo kaꞌina hauna naraonana,

weiana hanona Keriso Iesu kipona aba eaꞌinaꞌu hauna.

13 Uahoꞌabaꞌu e,

au aꞌi naraonana ꞌuai tabana aba aꞌina.

Ia taba hamomona naroꞌari aina,

eꞌu aka muriꞌu ai hauna nareana,

wairaꞌu ai hauna mo natabura aina,

14 puana nabeau bena ꞌaraꞌu kaꞌina.

ꞌAra weiana hanona Tirama eaparinaꞌu Keriso Iesu aonai kupai mauri kaꞌina.

15 Ikoikai aba aꞌikakaumai hatabura hauka hanona ua paharaona aiho.

Ia wai baika taba haeai turaonana raninai,

Tirama kehore neiakiai abomo aomi kebaeanakia.

16 Aika taba aba haꞌiobina hauna mo taearanai kahakaꞌa.

17 Uahoꞌabaꞌu e,

eꞌu babai ihobonai katokaꞌa,

emai aka mai ꞌabi tiaꞌi taeanakia haukia katoiha harainakia.

18 ꞌUainai rani boꞌokia ahina benimi bariu abomo mai haihaiꞌu nahina benimi,

boꞌona ꞌakina hanona ekia mauriai Keriso ena ꞌari matiu ibiri ropo ai hauna herenai ꞌou haukiai tiao.

19 Ekia mauri puana hanona ꞌari,

pokina ekia tirama hanona hauani ena nuatae tabakia.

Ia ekia apa hanona haumaea tabakia,

aokia hanona hanopaka tabakia mo tiraonanakia.

20 Ia aika hanona kupa maearimaka eka aiara tohana hanona weia,

aika ibamaurika hauna Obiapaka Iesu Keriso naha ꞌimana kupa ai kemai mue.

21 Ia kehore taba ikoinai kemaiainakia kepoki ainakia,

hiabuna weianai hauanika kiꞌa obona kebahaeaina ia hauanina mai nuabina ihobonai.