3 Wai baiatamiai nabau,

raona kiꞌa obokia mai uhore ꞌabiꞌabikia ha pinamiai aꞌi katohina ꞌapuana aꞌi katobabainakia,

pokina neiakia hanona aꞌi tebero Tirama ena maearima robekia herekiai.

4 Abomo ꞌori kiꞌa obokia,

bapoꞌopoꞌo ꞌabikia,

mai ꞌabi ꞌaiꞌai ꞌabikia,

weiakia hanona aꞌi tebero wai heremiai,

ia Tirama herenai banamo ꞌabikia katohina hanona enamo.

5 Wai patoꞌiobina hanona penamo,

nabau,

raona kiꞌa ꞌao uhore hauna hanona kaibaꞌuku nekuti aina hauna,

ba maearima uahomana hanona ena itau ahaꞌi Keriso mai Tirama ekia obia aiarana aonai.

6 Hau ha ena poꞌo ꞌabikiai aꞌi keꞌoinimi,

pokina taba neiakia paukiai Tirama ena aohaiara kemai weiakia aia aꞌi tiona haukia herekia.

7 Weiana paunai wai hanona maearima uahomakia kipokia aꞌi katobaihau.

8 ꞌUainai wai hanona wapura aonai tomiaho,

ia bariu wai hanona Obiapaka ena ea aonai ṯomiaho,

ua buonai wai hanona ea maearimamiai katoao.

9 Ea buabuana hanona raona namokia,

aka berokia,

mai ꞌabi tohakia maikoina nibawaira tinana.

10 Ua buonai tomobahobo Obiapaka aona ibaonamona akana taba hauna katoꞌiobi haraina.

11 Maearima wapura akakia weiakia anikia ahaꞌi tibabainakia haukia kipokia aꞌi katobaihau,

ia katoba karahinakia aka weiakia hanona beho akakia.

12 Weiana taba bunianai tibabai haukia ihinakia hanona mai haumaeakia buonai aꞌi kahinana.

13 Ba taba ikoinai kahamai ainakia ea aonai hanona katekere harai.

14 Pokina taba ikoinai tiwaira tina harai haukia hanona eai tiao.

Neiana paunai ṉa tiꞌabi aiho,

15 Weiana paunai emi miaho maurina hanona katoꞌima haraina,

poꞌopoꞌo haukia ꞌabakiai aꞌi katoao ia aobero haukia ꞌabakiai katoao.

16 Bariu aka ranikia ebenimi haukia aꞌi katobaore ꞌabaeanakia,

pokina rani neiakia hanona rani kiꞌa obokia.

17 Weiana buonai poꞌopoꞌo ai aꞌi katoao,

ia Obiapaka ena nuatae aea homana hauna katoꞌiobi haraina.

18 Waini beinai aꞌi katoinu ꞌari,

weiana hauna kehore wai keaꞌi kiꞌanimi,

ia ꞌekanai Auba Robe mehore mebabonunimi.

19 ꞌAbami kipokia tubahamomo aonai Salamoai,

huiai,

mai auba huikiai katoꞌabiꞌabi,

aomiai Obiapaka katohui aina mai katobanamona.

20 Rani ikoinai eka Obiapaka Iesu Keriso atanai banamo ꞌabina Hamaka Tirama kahabena taba ikoikiai paukiai.

21 Ha ha kipomi ꞌabami aiakia katokaꞌainakia ihobona Keriso tumariki aina ꞌabana.

22 Babiꞌe e,

atawami aiakia katokaꞌai ihobona Obiapaka aiana patokaꞌaina ꞌabana.

23 Pokina hau hanona babiꞌe kepoki aina ihobonai mo Keriso marea nipoki aina ꞌabana.

Tirama ena marea haukia toꞌuna hanona ia hauanina,

ba ia kipona hauani weiana nibamaurina.

24 Bariu hanona Tirama ena marea haukia Keriso aiana nikaꞌaina ihobonai babiꞌe abomo taba ikoikiai aokiai atawakia aiakia katekaꞌainakia.

25 Hau e,

atawami katoraonaꞌau ainakia ihobona matoha Keriso marea haukia eraonaꞌau ainakia,

weiana ia kipona ena mauri ebaibeni ia herekiai ꞌabana.

26 Neiana ebabaina hanona Tirama ena marea haukia beiai ebaꞌuerenakia mai Tirama ena ꞌabiai ebamaha mahanakia haeamona ebarobenakia Tirama ꞌeuna.

27 Pokina Tirama ena marea haukia ikoinai weiana hanona kenamo harai abomo keiroro harai mai behona keahaꞌi,

ia aꞌi kemaniꞌa maniꞌa ꞌao aꞌi kemaruru kiꞌa baika uahomakia herenai kateahaꞌi,

weiana hauna ia keaꞌina ꞌeunai keao.

28 Taeara neiana ihobonai hau atawakia kateraonaꞌau ainakia,

matoha kipokia hauanikia tiraonaꞌau aina ꞌabana,

hau atawana niraonaꞌau aina hauna hanona kipona abomo niraonaꞌau aina.

29 Weiana hau ha kipona hauanina aꞌi niꞌoatana,

ia nibanianina niaꞌiaꞌi haraina,

ihobona mo Keriso ena marea haukia nibanianinakia neꞌimanakia ꞌabana.

30 Pokina aika aꞌikakauma hauka hanona Keriso hauanina puapuakia.

31 Puka robenai ṉa terere aihona,

‘Neiana paunai hau hanona hamana hinana kehobonakia,

atawana ohi katebahamomo,

ba terarua hauani hamonai kateao.’

32 Neiana hanona ꞌabi bunina apaꞌuana,

ia au hanona Keriso mai ena marea haukia robakia ṉahuna katebahamomo.

33 Neiana buonai wai hau ikoimiai atawami katoraonaꞌau ainakia ihobona kipomi turaonaꞌau ainimi ꞌabana.

Haeamona babiꞌe abomo atawana kemariki aina.