Korinto aiaranai baꞌiobi haukia baiꞌoikia ekia ꞌabi kiꞌa obokia Paulo herenai tehina hanona aꞌikakauma haukia ekia aꞌikakauma teaꞌi kiꞌana. Hoahoa neianai hanona Paulo ena raona raona ia ahakiai hanona eapaꞌua kiꞌa baha. Ena nuatae hanona ꞌabi ꞌao baꞌiobi baiꞌoina neiana Korinto haukia herekiai kebaberona, weiana paunai marere neiana ererena, ia kipokia kateaonamo haeamo mue.

Puka neiana paipana koriꞌuaina aonai Paulo ehore ꞌabi pahihikia tohakia baika ehina pounakia ꞌabi weiakia Korinto maearimakia ebeni ꞌuainakia haukia. Paulo enuatae ia hanona ua aꞌi keꞌabi aiho, iamo ekia apa, baroꞌe ai mai ia teiha ꞌamaꞌamana paunai ꞌabi pahihikia tohakiai ehina benakia. Korinto haukia ꞌabi neiakia aiana kateoꞌo ba katebatohanakia mai ekia hoahoai kateraona kabe hanona aonamo kerama.

Rani weianai abomo aꞌikakauma haukia Iudeai hanona ekia mauri tekiꞌa. Ua buonai Paulo baraibarai monikia baika ebararonakia, keaoainakia kebenakia. Weiana buonai Korinto haukia aokia niba taburanakia, aka neiana paunai moni baika katebaibeni (8–9).

Puka orenai hanona Paulo eꞌabi, baꞌiobi haukia baiꞌoikia baika teao tibakiꞌana. Ena nuatae apaꞌuana hanona Korinto haukia baꞌiobi baiꞌoikia weiakia aiakia aꞌi kateoꞌo.