Apóstol Juanmi kay cartata qellqarqan. Paytami apostolnin kananpä Jesucristo akrarqan. Manami kay cartallatatsu Juan qellqarqan, sinöqa ishkay y kimsa kaq cartakunatapis qellqarqanmi. Tsaynöpis paymi qellqarqan San Juan libruta y Apocalipsis librutapis.

Kay cartachömi wawqikunata panikunata apóstol Juan tantiyatsirqan llutan yachatsikuqkunata mana chaskipäyänanpä. Tsay llutan yachatsikuqkunami niyarqan: “Jesucristo Dios kaykarqa ¿imanöpatä runa kanman?” (1Juan 4.1-3). Tsaynö yachatsiyaptinmi apóstol Juan kay cartacho tantiyatsirqan Jesucristo Dios kanqanta y Dios kaykarpis runa kanqanta. Tsaynöllami wawqikunata panikunata tantiyatsirqan Tayta Dios munanqannö kawayänanpä y kuyanakur kawayänanpä.