Tesalónica markaman chaykur apóstol Pablo willakuptinmi wakin runakuna kushishqa Jesucristuman yärakuyarqan. Wakinmi itsanqa Pablo llutanta willakuykanqanta yarpar contran shäriyarqan. Wanutsiyta munayaptinmi Berea markaman Pablo aywakurqan. Pablo aywakuskiptinnami Jesucristuman yärakuqkunatana chikir ñakatsiyarqan (Hech. 17.1-15).

Atenas markacho Pablo kaykarmi pasaypa llakikurqan Tesalónicacho wawqikunapä panikunapä. Tsaymi imanö kaykäyanqantapis musyayta munar watukananpä Timoteuta kacharqan. (1Tes. 2.17—3.5). Timoteo kutirnami willarqan Tesalónicacho wawqikuna panikunaqa runakuna chikiyaptinpis Jesucristuman alli yärakuykäyanqanta (1Tes. 3.6-13). Tsaynö willaptinmi Pablo kushikur jinan höra kay cartata cartakurqan (1Tes. 1.1—2.16).