Filipenses
Filipos markacho taq yärakuq mayinkunaman apóstol Pablo cartakunqan
Kay cartata apóstol Pablumi qellqarqan. Filipos markaman Pablo chanqanta musyanaykipä liyinki Hech. 16.11-40; 20.1-6.
Carcelcho kaykarmi kay cartata apóstol Pablo qellqarqan. Carcelcho kanqanta musyaykurmi Filipuscho wawqikuna panikuna Epafrodituta kachayarqan Pabluta watukananpä. Epafrodituwan apatsikuyanqanta chaskiskirmi Filipuscho wawqikunata panikunata agradëcikurnin kay cartata Pablo cartakurqan. Tsaynöllami Jesucristuta chaskikuyanqanpita ñakayaptin paykunata shakyätsirqan.