Barucpä Tayta Dios ninqan
45
Josíaspa tsurin Joacim† chusku watanaa Judá nacionpa mandaqnin rey kaykaptin Neríaspa tsurin Baruc profëta Jeremías dictanqanta rölluman qellqanqan† witsanmi Jeremías nirqan: 2 “Baruc, Israel runakunata kuyaq Tayta Diosmi nin: 3 Llakikurmi qam nikanki: ‘¡Allaw noqallä! ¡Tayta Diosmi pasaypa llakikuyman churamashqa! Ajayanqäyaq waqaptïpis shoqamänanpä manami pipis kantsu’.4 “Noqa Tayta Diosmi qamta nï: Shäritsinqäkunata kikïmi juchutsï. Plantanqäkunatapis llukirïmi. Tsaynöllami llapantapis kay nacioncho ushakätsishä. 5 Llapan runakuna ñakayänanpä kaykaptinqa ñakaypita salvakunaykipä kanqanta ama yarpaytsu. Tsayta ama mañakamaytsu. Pasaypa ñakaykunatami llapan runakunaman kachamushä. Qamtami itsanqa maypa aywaptikipis rikashayki. Noqa Tayta Diosmi tsaynö nï”.