Mana cäsukuq kayanqanpitami Judá runakunata Babilonia soldädukuna prësu apakuyänanpä Tayta Dios kacharirqan.

2 Tsaypita atska wata päsaskiptinnami markankunaman punta kutiq runakuna kayarqan sacerdötikuna, levita runakuna, templucho aruqkuna y wakin Israel runakunapis. 3 Tsaynö kutikurmi Judá trïbupita, Benjamín trïbupita, Efraín trïbupita y Manasés trïbupita wakin runakuna Jerusaléncho täyarqan.^†

4 Judá trïbupitami castankunawan Jerusalénman Utai charqan. Utaimi karqan Amiudpa tsurin, Amiudmi karqan Omripa tsurin, Omrimi karqan Imripa tsurin y Imrimi karqan Banipa tsurin. Paykunami Judápa tsurin Fares casta kayarqan. 5 Tsaynöllami Judá trïbupita chäyarqan Sela casta runakuna. Tsay casta karmi Asaías y tsurinkunapis paykunawan aywayarqan. Asaíasqa taytanpa mayor tsurinmi karqan. 6 Tsaynöllami Zera casta Jeuelpis castankunawan chäyarqan. Tsaymi Judá trïbupita Jerusalénman chäyarqan soqta pachak isqun chunka (690) runakuna.

7 Benjamín trïbupitanami castankunawan Jerusalénman Salu charqan. Salúmi karqan Mesulampa tsurin, Mesulammi karqan Hodavíaspa tsurin y Hodavíasmi karqan Asenúapa tsurin. 8 Tsaynöllami Ibneías, Ela y Mesulam castankunawan Jerusalénman chäyarqan. Ibneíasmi karqan Jerohampa tsurin. Elami karqan Uzipa tsurin y Micripa willkan. Mesulamnami karqan Sefatíaspa tsurin, Reuelpa willkan y Ibneíaspa shurukta willkan. 9 Llapanpis tsay runakunami castankunapa mandaqninkuna kayarqan. Paykunapa jutinkunami qellqaraykan unay runakunapa jutinkuna qellqaranqan librucho. Paykunawanmi isqun pachak pitsqa chunka soqta (956) Benjamín trïbu runakuna Jerusalénman chäyarqan.

10 Sacerdöti castakunapitami Jerusalénman chäyarqan Jedaías, Joiarib, Jaquín 11 y templucho mandaq Azarías. Azaríasmi Hilcíaspa tsurin karqan. Hilcíasmi karqan Mesulampa tsurin. Mesulamnami karqan Sadocpa tsurin, Meraiotpa willkan y Ahitobpa shurukta willkan. 12 Tsaynöllami Jerusalénman chäyarqan sacerdöti Adaía y sacerdöti Masai. Adaíami karqan Jerohampa tsurin. Jerohammi karqan Pasurpa tsurin. Pasurmi karqan Malquíaspa tsurin. Masainami karqan Adielpa tsurin. Adielmi karqan Jazerapa tsurin. Jazerami karqan Mesulampa tsurin. Mesulammi karqan Mesilemitpa tsurin. Mesilemitmi karqan Imerpa tsurin. 13 Llapan tsay sacerdötikunami castankunapa mandaqninkuna kayarqan. Paykunaqa yachaq runakuna karmi templucho rurayänanpä kaqkunata shumaq rurayarqan. Paykunawan aywaq sacerdötikunami Jerusalénman chäyarqan juk waranqa qanchis pachak soqta chunka (1,760) sacerdötikuna.

14 Levitakunapitami castankunawan Jerusalénman Semaías charqan. Semaíasmi karqan Hasubpa tsurin, Azricampa willkan y Hasabíaspa shurukta willkan. Llapan paykunami kayarqan Merari casta runakuna. 15 Tsaynöllami Jerusalénman chäyarqan Bacbacar, Heres, Galal y Matanías. Mataníasmi karqan Micaíapa tsurin, Zicripa willkan y Asafpa shurukta willkan. 16 Tsaynöllami Jerusalénman chäyarqan Obadías y Berequías. Obadíasmi karqan Semaíaspa tsurin, Galalpa willkan y Jedutúnpa shurukta willkan. Berequíasnami karqan Asapa tsurin y Elcanapa willkan. Netofa marka ñöpanchömi Elcana tarqan.

17 Tsaynöllami Jerusalénman chäyarqan templu punku täpaqkunapis. Paykunami kayarqan Salum, Acub, Talmón, Ahimán y wawqinkuna. Salummi karqan paykunapa mandaqnin. 18 Paykunaqa kananyaqmi reypa punkunta täpayan. Tsay punkuqa rupay yarqamunan kaqlächömi kaykan. Tsaynöpis ñöpataqa tsay casta runakunami levitakunapa campamentunman yaykunanta täpayaq.

19 Salummi karqan Corépa tsurin. Corémi unay kaq Corépa tsurin Ebiasafpita aywaraq karqan. Salummi Coré casta mayinkunawan täpayarqan templuman yaykuna punkuta. Tsaynöllami Coré castakuna unay täpayarqan Tayta Diospa campamentuncho Tinkuna Tolduman yaykuna punkuta.

20 Tsay täpaqkunapa mandaqninmi karqan Eleazarpa tsurin Finees. Paytaqa Tayta Diosmi llapanchöpis yanaparqan.

21 Tsaypitanami Meselemíaspa tsurin Zacarías Tayta Dioswan Tinkuna Tolduman yaykuna punkuta täpaq karqan.

22 Salum mandanqan runakunaqa kayarqan ishkay pachak chunka ishkaymi (212). Paykunapa markankunachömi jutinkuna y castankunapa jutinkuna padronanqan librucho qellqaraykan. Paykunapa unay castankunatami David y profëta Samuel akrarqan Dioswan Tinkuna Toldupa punkunta täpayänanpä. 23 Tsaymi paykuna y paykunapita aywaraq runakuna Tayta Dioswan Tinkuna Tolduman yaykuna punkucho trukanakuypa täpayaq. 24 Tinkuna Toldupa chuskun lädunkunatami paykuna täpayaq. Tsaymi rupay yarqamunan kaqlächo, rupay jeqanan kaqlächo, norti kaqlächo y sur kaqlächöpis täpayaq.

25 Trukanakuypa täpayaptinmi cada qanchis junaq castankunana markankunapita chäyaq punkuta täpayänanpä. 26 Täpaqkunapa chuskuq mandaqnin levitakunami itsanqa mana yarquypa patsallancho täyarqan. Paykunami tesöru churaraq cuartukunata y templucho kaykaq wakin cuartukunatapis täpayaq. 27 Tinkuna Tolduta täpayänanpä churayashqa kaptinmi cada paqas jiruruypa täpayaq. Tsaynöllami cada tuta Tinkuna Toldupa punkunkunata kichayaq.

28 Wakin täpaqkunanami Tinkuna Toldu manëjukunata täpayaq. Tsay manëjukunatami yupaskir jipiyaq y yupaskir kutitsiyaq. 29 Wakinnami täpayaq Tinkuna Tolducho jatusaq manëjukunata. Tsaynöpis täpayaq jarinata, vïnuta, aceitita, inciensiuta y mushkuq jachakunata. 30 Sacerdötikunanami mushkuq jachakunapita perfümita rurayaq.

31 Levita runa Matatíasmi encargädu karqan ofrendakunapä tantata rurananpä. Matatíasmi karqan Coré casta Salumpa mayor tsurin. 32 Coat casta mayinkunanami cada jamay junaqcho Tayta Diospä mësaman qaqätsiyllapa churayänanpä sagrädu tantata rurayarqan.

33 Wakin levitakunami cantaqkuna kayarqan. Paykunaqa castankunapa mandaqninkunami kayarqan. Cantaqkuna karmi patsan templupa patiuncho kaykaq cuartukunacho täyarqan. Wakin aruychöqa paykuna manami aruyaqtsu, tsaypa trokinqa paqaspis junaqpis cantayänallanpämi kayarqan.

34 Llapan tsay levitakuna Jerusalénchömi täyarqan. Unay runakunapa jutinkuna qellqaranqan librucho ninqannöllami castankunapa mandaqninkuna kayarqan.

35 Gabaón markachömi tarqan Gabaónpa taytan Jehiel. Paypa warminmi karqan Maaca. 36 Mayor tsurinmi karqan Abdón. Tsaypitanami wakin tsurinkuna kayarqan Zur, Cis, Baal, Ner, Nadab, 37 Gedor, Ahío, Zacarías y Miclot. 38 Miclotpa tsurinmi karqan Simeam. Paykunaqa llapanmi Jerusaléncho täyarqan.

39 Nerpa tsurinmi karqan Cis. Cispa tsurinmi karqan Saúl. Saúlpa tsurinkunami kayarqan Jonatán, Malquisúa, Abinadab y Es-baal. 40 Jonatánpa tsurinmi karqan Merib-baal. Merib-baalpa tsurinmi karqan Micaía. 41 Micaíapa tsurinkunami kayarqan Pitón, Melec, Tarea y Acaz. 42 Acazpa tsurinmi karqan Jara. Jarapa tsurinkunami kayarqan Alemet, Azmavet y Zimri. Zimripa tsurinmi karqan Mosa. 43 Mosapa tsurinmi karqan Bina. Binapa tsurinmi karqan Refaías. Refaíaspa tsurinmi karqan Elasa. Elasapa tsurinmi karqan Azel. 44 Azelpa tsurinkunaqa soqtami kayarqan. Paykunami kayarqan Azricam, Bocru, Ismael, Searías, Obadías y Hanán.