Kay libruta liyirmi musyantsik Israel nacioncho y Judá nacioncho wakin reykuna imanö kayanqantapis. Israel nacioncho reykuna Tayta Diosta mana cäsukuyaptinmi Israel nacionta ushakätsiyänanpä Asiria nación soldädukunata Tayta Dios kacharqan.

Israel nacionta ushakätsirpis Judá naciontaqa manami ushakätsiyarqantsu. Tsaypita atska wata päsaskiptinnami Babilonia nación soldädukuna Judá nacionta ushakätsiyarqan. Kawaykar quëdaq wakin runakunatanami Babiloniaman apakuyarqan.