Rey David wanuskiptinnami tsurin Salomónna Israel nacioncho rey karqan. Kay libruta liyirmi musyantsik Salomón imaykayuq kanqanta y pasaypa yachaq kanqanta. Tsaynöpis musyantsik palaciunkunata, markakunata y Tayta Diospa templunta shäritsinqanta. Tsaynö kaptinpis juklä nación warmikunawan majatsakarmi ïdulukunata adorar qallaykurqan (1Rey. 11.1-5).

Salomón wanuskiptinnami norti kaqlächo taq runakunawan sur kaqlächo taq runakuna ishkay nacionman rakikarqan. Norti kaqlä nacionpa jutinmi karqan Israel. Sur kaqlä nacionpa jutinnami karqan Judá.

Tsaymi kay libruta liyir musyantsik Israel nacioncho reykuna y Judá nacioncho reykuna imanö kayanqantapis. Tsaynöpis musyantsik profëta Elías Tayta Diospa willakuyninta willakunqantami.