Benjamínpita aywaraqkuna
8
Benjamínpa mayor tsurinmi karqan Bela. Paypa qepanmanmi yurirqan Asbel. Asbelpa qepanmanmi yurirqan Ahara. 2 Aharapa qepanmanmi yurirqan Noha. Nohapa qepanmanmi yurirqan Rafa. 3 Belapa tsurinkunami kayarqan Adar, Gera, Abiud, 4 Abisúa, Naamán, Ahoa, 5 Gera, Sefufán y Hiram.6-7 Aodpa tsurinkunami kayarqan Geba markacho taq castakunapa mandaqninkuna. Tsay mandaqkunami kayarqan Naamán, Ahías y Gera. Geba markacho täyanqanpita aywakuyänanpä obligayaptinmi marka mayinkunata Gera pusharqan Manahat markaman tsaycho täyänanpä. Geraqa karqan Uzapa y Ahiudpa taytanmi.
8 Saharaimmi Husim y Baara warminkunapita rakikaskir Moab nacionman aywakurqan. Tsaycho taykaptinmi 9 warmin Hodescho tsurinkuna yuriyarqan Jobab, Sibia, Mesa, Malcam, 10 Jeúz, Saquías y Mirma. Llapan paykuna kayarqan castankunapa mandaqninkunami.
11 Warmin Husimcho Saharaimpa tsurinkuna kayarqan Abitobwan Elpaalmi. 12 Elpaalpa tsurinkuna kayarqan Heber, Misam y Semed. Semedmi shäritsirqan Ono y Lod markakunata y caseriunkunata. 13 Tsaynöllami Elpaalpa tsurinkuna kayarqan Bería y Sema. Paykunaqa castankunapa mandaqninkuna karmi Ajalón markacho täyarqan. Tsaycho tarmi Gat markacho taq runakunata qarquyarqan.
14 Beríapa tsurinkunami kayarqan Ahío, Sasac, Jeremot, 15 Zebadías, Arad, Ader, 16 Micael, Ispa y Joha.
17 Elpaalpaqa maspis tsurinkuna kayarqanmi. Paykunami kayarqan Zebadías, Mesulam, Hizqui, Heber, 18 Ismerai, Jezlías y Jobab.
19 Simeipa tsurinkunami kayarqan Jaquim, Zicri, Zabdi, 20 Elienai, Ziletai, Eliel, 21 Adaías, Beraías y Simrat.
22 Sasacpa tsurinkunami kayarqan Ispán, Heber, Eliel, 23 Abdón, Zicri, Hanán, 24 Hananías, Elam, Anatotías, 25 Ifdaías y Peniel.
28 Paykunami castankunapa mandaqninkuna kayarqan y Jerusalénchömi täyarqan. Jutinkuna qellqaraykan unay runakunapa jutinkuna qellqaranqan libruchömi.
Saúlpa castankuna
29 Gabaón markachömi tarqan Gabaónpa taytan Jehiel. Paypa warminmi karqan Maaca. 30 Jehielpa mayor tsurinmi karqan Abdón. Tsaypitanami wakin tsurinkuna kayarqan Zur, Cis, Baal, Ner, Nadab, 31 Gedor, Ahío, Zequer 32 y Miclot. Miclotpa tsurinmi karqan Simei. Paykunaqa llapanmi Jerusaléncho täyarqan.
33 Nerpa tsurinmi karqan Cis. Cispa tsurinmi karqan Saúl. Saúlpa tsurinkunami kayarqan Jonatán, Malquisúa, Abinadab y Es-baal. 34 Jonatánpa tsurinmi karqan Merib-baal. Merib-baalpa tsurinmi karqan Micaía. 35 Micaíapa tsurinkunami kayarqan Pitón, Melec, Tarea y Acaz. 36 Acazpa tsurinmi karqan Joada. Joadapa tsurinkunami kayarqan Alemet, Azmavet y Zimri. Zimripa tsurinmi karqan Mosa. 37 Mosapa tsurinmi karqan Bina. Binapa tsurinmi karqan Rafa. Rafapa tsurinmi karqan Elasa. Elasapa tsurinmi karqan Azel.
38 Azelpa tsurinkunaqa soqtami kayarqan. Paykunami kayarqan Azricam, Bocru, Ismael, Searías, Obadías y Hanán.
39 Azelpa wawqin Esecpa mayor tsurinmi karqan Ulam. Tsaypitanami yurirqan Jehús y Elifelet. 40 Ulampa tsurinkunaqa pelyay yachaq soldädukunami kayarqan. Tsaynöpis flëchay yachaqkunami kayarqan. Paykunapa tsurinkuna y willkankuna kayarqan juk pachak pitsqa chunkami (150). Paykunaqa llapanpis Benjamín trïbu runakunami kayarqan.