2 Tolapa tsurinkunami kayarqan Uzi, Refaías, Jeriel, Jahmai, Jibsam y Semuel. Paykunaqa llapanpis alli chölullantä y castankunapa mandaqninmi kayarqan. David mandanqan witsanmi Tola casta kayarqan ishkay chunka ishkay waranqa soqta pachak (22,600) runakuna.

3 Uzipa tsurinmi karqan Israhías. Israhíaspa tsurinkunami kayarqan Micael, Obadías, Joel y Isías. Paykunami castankunapa mandaqninkuna kayarqan. 4 Warminkuna atska kaptinmi tsurinkunapis atska kayarqan. Paykuna castacho pelyay yachaq kayarqan kimsa chunka soqta waranqa (36,000) runakunami.

5 Isacarpita llapan aywaraqkunami kayarqan puwaq chunka qanchis waranqa (87,000) pelyayta yachaq runakuna. Paykunapa jutinkunami qellqaraykan unay runakunapa jutinkuna qellqaranqan librucho.

6 Benjamínpa tsurinkunami kayarqan Bela, Bequer y Jediael.

7 Belapa tsurinkunami kayarqan pitsqa. Paykunami kayarqan Ezbón, Uzi, Uziel, Jerimot y Iri. Paykunaqa kayarqan llapanpis alli chölullantä y castankunapa mandaqninkunami. Paykunapita aywaraqkuna kayarqan ishkay chunka ishkay waranqa kimsa chunka chusku (22,034) runakunami.

8 Bequerpa tsurinkuna kayarqan Zemira, Joás, Eliezer, Elioenai, Omri, Jerimot, Abías, Anatot y Alamet. 9 Paykunaqa kayarqan llapanpis alli chölullantä y castankunapa mandaqninmi. Paykunapita aywaraqkunami kayarqan ishkay waranqa ishkay pachak (20,200) runakuna. Paykunapa jutinkunami qellqaraykan unay runakunapa jutinkuna qellqaranqan librucho.

10 Jediaelpa tsurinmi karqan Bilhán. Bilhánpa tsurinkunami kayarqan Jeús, Benjamín, Aod, Quenaana, Zetán, Tarsis y Ahisahar. 11 Paykunaqa llapanpis Jediaelpita aywaraq runakuna kar castankunapa mandaqninmi kayarqan. Tsaynöllami alli chölullantä kar guërracho pelyayänanpä listu kayarqan. Paykunapita aywaraqkunami kayarqan chunka qanchis waranqa ishkay pachak (17,200) runakuna.

12 Hirpa tsurinkunami kayarqan Supim y Hupim. Aherpa tsurinmi karqan Husim.

13 Neftalípa tsurinkunami kayarqan Jahzeel, Guni, Jezer y Salum. Paykunaqa Bilhapa willkankunami kayarqan.

14 Manaséspa juk concubïna warminmi karqan Siria nacionpita. Tsay warmichömi Manaséspa tsurinkuna kayarqan Asriel y Maquir. Maquirmi karqan Galaadpa taytan. 15 Tsaynöpis Maquirqa tarqan Maaca jutiyuq warmiwanmi. Maacaqa Hupim y Supim castami karqan. Maquirpa jukaq tsurinmi karqan Zelofehad. Zelofehadpa tsurinkunaqa llapanpis warmillami kayarqan.

16 Maquirpa warmin Maacanami qeshyakurqan Peresta. Perespa qepanmanmi yurirqan Seres. Perespa tsurinkunami kayarqan Ulam y Requem. 17 Ulampa tsurinmi karqan Bedán. Llapan tsay runakunaqa Galaad runakunami kayarqan. Galaadqa Maquirpa tsurin y Manaséspa willkanmi karqan.

18 Maquirpa panin Hamolequetpa wamrankunami kayarqan Isod, Abiezer y Mahala.

19 Semidapa tsurinkunami kayarqan Ahián, Siquem, Likhi y Aniam.

20 Efraínpa tsurinmi karqan Sutela. Sutelapa tsurinmi karqan Bered. Beredpa tsurinmi karqan Tahat. Tahatpa tsurinmi karqan Elada. Eladapa tsurinmi karqan Tahat. 21 Tahatpa tsurinmi karqan Zabad. Zabadpa tsurinmi karqan Sutela. Efraínpa tsurinkuna Ezerta y Eladtami Gat markacho taq runakuna wanutsiyarqan uywakunata suwakuq aywaqta. 22 Tsaynö wanuskatsiyaptinmi taytan Efraínqa llakikurnin waqar purirqan. Tsaynö waqaptinmi castankuna shoqayänanpä aywayarqan. 23 Tsaypitanami warmin yapay qeshyaq rikakur qeshyakurqan ollqu wamrata. Paytami jutitsirqan Bería jutin kananpä.^a Tsay jutita churaparqan tsurinkunata wanutsiyashqa kaptinmi.

24 Beríapa warmi tsurinmi karqan Seera. Seerami ura kaq Bet-horón markata, jana kaq Bet-horón markata y Uzen-seera markatapis shäritsirqan.

25 Beríapa tsurinmi karqan Refa. Refapa tsurinmi karqan Resef. Resefpa tsurinmi karqan Telah. Telahpa tsurinmi karqan Tahán. 26 Tahánpa tsurinmi karqan Laadán. Laadánpa tsurinmi karqan Amiud. Amiudpa tsurinmi karqan Elisama. 27 Elisamapa tsurinmi karqan Nun. Nunpa tsurinmi karqan Josué.

28 Efraínpita aywaraqkunaqa wakinmi täyarqan Bet-el markacho y jallqankunacho. Wakinmi täyarqan rupay yarqamunan kaqläpa Naarán markacho. Wakinmi täyarqan rupay jeqanan kaqläpa Gezer markacho y jallqankunacho. Wakinnami täyarqan norti kaqläpa Siquem markacho y jallqankunacho hasta Ayah markayaq y jallqankunayaq. 29 Tsaynöllami Israelpa tsurin Josépita aywaraqkuna^b täyarqan Bet-seán markacho y jallqankunacho, Taanac markacho y jallqankunacho, Meguido markacho y jallqankunacho, Dor markacho y jallqankunachöpis. Llapan tsay markakunaqa Manasés trïbu runakunapa munayninchömi karqan.

30 Aserpa tsurinkunami kayarqan Imna, Isúa, Isúi y Bería. Paykunapa paninmi karqan Sera.

31 Beríapa tsurinkunami kayarqan Heber y Malquiel. Malquielqa karqan Birzavitpa taytanmi. 32 Heberpa tsurinkunami kayarqan Jaflet, Semer y Hotam. Paykunapa paninmi karqan Súa.

33 Jafletpa tsurinkunami kayarqan Pasac, Bimhal y Asvat.

34 Jafletpa wawqin Semerpa tsurinkunami kayarqan Ahí, Rohga, Jehúba y Aram.

35 Jafletpa wawqin Helempa tsurinkunami kayarqan Zofa, Imna, Seles y Amal. 36 Zofapa tsurinkunami kayarqan Súa, Harnefer, Súal, Beri, Imra, 37 Beser, Hod, Sama, Silsa, Itrán y Beera.

38 Jeterpa tsurinkunami kayarqan Jefone, Pispa y Ara.

39 Ulapa tsurinkunami kayarqan Ara, Haniel y Rezia.

40 Llapanpis tsay runakunaqa Aserpita aywaraqkunami kayarqan. Paykunami castankunapa mandaqnin kayarqan. Tsaynöpis alli chölullantä soldädukuna y respitashqa runakunami kayarqan. Paykunapita aywaraqkuna kayarqan ishkay chunka soqta waranqa (26,000) runakunami. Paykunapa jutinkunami qellqaraykan unay runakunapa jutinkuna qellqaranqan librucho.