16 (1) Levípa tsurinkunami kayarqan Gersón, Coat y Merari.

17 (2) Gersónpa tsurinkunami kayarqan Libni y Simei.

18 (3) Coatpa tsurinkunami kayarqan Amram, Izhar, Hebrón y Uziel.

19 (4) Meraripa tsurinkunami kayarqan Mahli y Musi.

Paykunami kayarqan Levípita aywaraqkuna.^†

20 (5) Gersónpa tsurinmi karqan Libni, Libnipa tsurinmi karqan Jahat, Jahatpa tsurinmi karqan Zima, 21 (6) Zimapa tsurinmi karqan Joa, Joapa tsurinmi karqan Iddo, Iddupa tsurinmi karqan Zera y Zerapa tsurinmi karqan Jeatrai.

22 (7) Coatpa tsurinmi karqan Aminadab, Aminadabpa tsurinmi karqan Coré, Corépa tsurinmi karqan Asir, 23 (8) Asirpa tsurinmi karqan Elcana, Elcanapa tsurinmi karqan Ebiasaf, Ebiasafpa tsurinmi karqan Asir, 24 (9) Asirpa tsurinmi karqan Tahat, Tahatpa tsurinmi karqan Uriel, Urielpa tsurinmi karqan Uzías y Uzíaspa tsurinmi karqan Saúl.

25 (10) Elcanapa tsurinmi karqan Amasai y Amasaipa tsurinmi karqan Ahimot. 26 (11) Ahimotpa tsurinmi karqan Elcana, Elcanapa tsurinmi karqan Zofai, Zofaipa tsurinmi karqan Nahat, 27 (12) Nahatpa tsurinmi karqan Eliab, Eliabpa tsurinmi karqan Jeroham y Jerohampa tsurinmi karqan Elcana.

28 (13) Samuelpa tsurinkunami kayarqan Vasni y Abías. Vasni karqan mayor kaq tsurinmi.

29 (14) Meraripa tsurinmi karqan Mahli, Mahlipa tsurinmi karqan Libni, Libnipa tsurinmi karqan Simei, Simeipa tsurinmi karqan Uza, 30 (15) Uzapa tsurinmi karqan Simea, Simeapa tsurinmi karqan Haguía y Haguíapa tsurinmi karqan Asaías.

31 (16) Babulta Tayta Diospa wayinman churaykurmi cantaqkunatapis tsayman rey David churarqan cantatsiyämunanpä. 32 (17) Paykunami Tinkuna Tolducho imaypis cantatsiyaq Jerusaléncho templuta Salomón shäritsinqanyaq. Templuchöpis paykunallami cantatsiyarqan.

33 (18) Tsay cantaqkunami kayarqan Hemán, Asaf y Etán. Paykunapa tsurinkunapis cantaqllami kayarqan.

Hemán karqan Coat casta runami. Taytanmi karqan Joel. Joelpa taytanmi karqan Samuel. 34 (19) Samuelpa taytanmi karqan Elcana. Elcanapa taytanmi karqan Jeroham. Jerohampa taytanmi karqan Eliel. Elielpa taytanmi karqan Toa. 35 (20) Toapa taytanmi karqan Zuf. Zufpa taytanmi karqan Elcana. Elcanapa taytanmi karqan Mahat. Mahatpa taytanmi karqan Amasai. 36 (21) Amasaipa taytanmi karqan Elcana. Elcanapa taytanmi karqan Joel. Joelpa taytanmi karqan Azarías. Azaríaspa taytanmi karqan Sofonías. 37 (22) Sofoníaspa taytanmi karqan Tahat. Tahatpa taytanmi karqan Asir. Asirpa taytanmi karqan Ebiasaf. Ebiasafpa taytanmi karqan Coré. 38 (23) Corépa taytanmi karqan Izhar. Izharpa taytanmi karqan Coat. Coatpa taytanmi karqan Leví. Levípa taytanmi karqan Israel.

39 (24) Hemánpa derëchanchömi Asaf cantayta yanaparqan. Asafpa taytanmi karqan Berequías. Berequíaspa taytanmi karqan Simea. 40 (25) Simeapa taytanmi karqan Micael. Micaelpa taytanmi karqan Baasías. Baasíaspa taytanmi karqan Malquías. 41 (26) Malquíaspa taytanmi karqan Etni. Etnipa taytanmi karqan Zera. Zerapa taytanmi karqan Adaía. 42 (27) Adaíapa taytanmi karqan Etán. Etánpa taytanmi karqan Zima. Zimapa taytanmi karqan Simei. 43 (28) Simeipa taytanmi karqan Jahat. Jahatpa taytanmi karqan Gersón. Gersónpa taytanmi karqan Leví.

44 (29) Hemánpa itsuqninchönami Merari casta Etán cantayta yanaparqan. Etampa taytanmi karqan Quisi. Quisipa taytanmi karqan Abdi. Abdipa taytanmi karqan Maluc. 45 (30) Malucpa taytanmi karqan Hasabías. Hasabíaspa taytanmi karqan Amasías. Amasíaspa taytanmi karqan Hilcías. 46 (31) Hilcíaspa taytanmi karqan Amsi. Amsipa taytanmi karqan Bani. Banipa taytanmi karqan Semer. 47 (32) Semerpa taytanmi karqan Mahli. Mahlipa taytanmi karqan Musi. Musipa taytanmi karqan Merari. Meraripa taytanmi karqan Leví.

48 (33) Hemánpa, Asafpa y Etánpa trïbu mayinkunami wakin ruraykunatana Tayta Diospa wayincho rurayarqan. 49 (34) Aarón y paypita aywaraqkunallami sacrificiuta rupatsina altarcho sacrificiukunata rupatsiyaq y inciensiuta rupatsikuna altarcho inciensiuwan qoshnitsiyaq. Lugar Santïsimucho llapan rurananpä kaqkunatami paykuna rurayaq. Tsaynöpami Diospa sirviqnin Moisés llapan mandanqankunata cumpliyarqan. Tsaynö cumpliyaptinmi Israel runakunapa jutsankunata Tayta Dios perdonarqan.

50 (35) Aarónpa tsurinmi karqan Eleazar, Eleazarpa tsurinmi karqan Finees, Fineespa tsurinmi karqan Abisúa, 51 (36) Abisúapa tsurinmi karqan Buqui, Buquipa tsurinmi karqan Uzi, Uzipa tsurinmi karqan Zeraías, 52 (37) Zeraíaspa tsurinmi karqan Meraiot, Meraiotpa tsurinmi karqan Amarías, Amaríaspa tsurinmi karqan Ahitob, 53 (38) Ahitobpa tsurinmi karqan Sadoc y Sadocpa tsurinmi karqan Ahimaas.

54 (39) Coat casta Aarónpita aywaraqkunami täyanqan markakunata chaskiyarqan suertita jitaypa. 55 (40) Tsaynöpami Hebrón markata y ñöpancho kaykaq chakrakunatapis uywankunata mitsikuyänanpä chaskiyarqan. Hebrónqa karqan Judá trïbu runakuna chaskiyanqan herenciachömi. 56 (41) Jefonipa tsurin Calebtami itsanqa töcarqan Hebrónpa caseriunkuna y tsay caseriukuna ñöpancho kaykaq chakrakuna. 57 (42) Tsaymi Coat casta Aarónpita aywaraq runakuna chaskiyanqan markakuna kayarqan Hebrón (Hebrónqa amparakuna markami karqan), Libna, Jatir, Estemoa, 58 (43) Hilén, Debir, 59 (44) Asán y Bet-semes. Tsaynöllami cada markapa ñöpancho kaykaq jallqakunatapis uywankunata mitsikuyänanpä chaskiyarqan.

60 (45) Benjamín trïbu runakunapita chaskiyanqan markakunami kayarqan Geba, Alemet y Anatot. Tsaynöllami cada markapa ñöpancho kaykaq jallqakunatapis uywankunata mitsikuyänanpä chaskiyarqan. Tsaymi Judá trïbupita y Benjamín trïbupita chaskiyanqan markakuna karqan chunka kimsa. Tsay markakunatami Coat casta Aarónpita aywaraq runakuna castanpa castanpa rakipänakuyarqan.

61 (46) Aarónpita aywaraq runakuna chaskiyanqannöllami Coat casta wakin runakunapis castanpa castanpa suertita jitaypa markakunata chaskiyarqan. Pullan Manasés trïbu runakunapita chaskiyanqan markakunami karqan juk chunka.

62 (47) Gersón casta runakunami chunka kimsa markakunata castanpa castanpa chaskiyarqan. Tsay markakunatami chaskiyarqan Isacar trïbupita, Aser trïbupita, Neftalí trïbupita y Basáncho kaykaq pullan Manasés trïbupita.

63 (48) Merari casta runakunanami suertita jitaypa chunka ishkay markakunata castanpa castanpa chaskiyarqan. Tsay markakunatami chaskiyarqan Rubén trïbupita, Gad trïbupita y Zabulón trïbupita.

64 (49) Tsaynömi levita runakuna täyänanpä Israel mayinkuna markakunata rikatsiyarqan. Cada markapa ñöpancho kaykaq jallqakunatapis uywankunata mitsikuyänanpämi rikatsiyarqan. 65 (50) Judá trïbupita, Simeón trïbupita y Benjamín trïbupita rikatsiyanqan markakunataqa suertita jitaypami rikatsiyarqan. Tsay markakuna mayqan mayqan kanqanpis janalächömi qellqaraykan.^†

66 (51) Tsaynöllami Efraín trïbu runakunapita Coat casta runakuna chaskiyarqan markakunata jallqantinta. 67 (52) Tsaymi Efraín jallqakunacho chaskiyarqan Siquemta (Siquemqa amparakuna markami karqan), Gezerta, 68 (53) Jocmeamta, Bet-horónta, 69 (54) Ajalónta y Gat-rimónta. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä.

70 (55) Coat casta wakin kaq runakunanami chaskiyarqan pullan Manasés trïbu runakunapita Aner y Bileam markakunata. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä.

71 (56) Gersón casta runakunanami chaskiyarqan pullan Manasés trïbu runakunapita Basáncho Golán markata y Astarot markata. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä. 72 (57) Isacar trïbu runakunapitami chaskiyarqan Cedes, Daberat, 73 (58) Ramot y Anem markakunata. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä. 74 (59) Aser trïbu runakunapitami chaskiyarqan Masal, Abdón, 75 (60) Hucoc y Rehob markakunata. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä. 76 (61) Neftalí trïbu runakunapitami chaskiyarqan Galileacho kaykaq Cedes, Hamón y Quiriataim markakunata. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä.

77 (62) Merari casta wakin kaq runakunanami chaskiyarqan Zabulón trïbu runakunapita Rimón y Tabor markakunata. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä. 78 (63) Jordán mayu tsimpanchöpis Merari casta runakuna markakunata chaskiyarqanmi. Tsay tsimpaqa Jericópa frentincho y rupay yarqamunan kaqlächömi kaykan. Tsay wak tsimpancho Rubén trïbu runakunapitami chaskiyarqan tsunyaq jirkacho kaykaq Beser markata. Tsaynöllami chaskiyarqan Jaza, 79 (64) Cademot y Mefaat markakunata. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä. 80 (65) Gad trïbu runakunapitami chaskiyarqan Galaadcho kaykaq Ramot, Mahanaim, 81 (66) Hesbón y Jazer markakunata. Tsaynöllami chaskiyarqan cada markapa ñöpancho kaykaq jallqakunatapis uywankunata mitsikuyänanpä.